අගෝස්තු 5 වන දා පැවති මහ මැතිවරණයෙන් 9 වන පාර්ලිමේන්තුවට තේරී පත්වූ මන්ත්‍රීවරුන් 196 දෙනාගේ නම් ඇතුළත් ගැසට් නිවේදනය නිකුත් කර තිබේ.
මැතිවරණ කොමිසම විසින් එම ගැසට් නිවේදනය ඊයේ (08)දින රාත්‍රියේ නිකුත් කර තිබේ.
ඒ අනුව එක් එක් දිස්ත්‍රික්කවලින් දේශපාලන පක්ෂ නියෝජනය කරමින් තේරී පත්වුණු මන්ත්‍රීවරුන්ගේ නම් අදාළ ගැසට් පත්‍රයට ඇතුළත් කර තිබේ.
ජාතික ලැයිස්තු මන්ත්‍රිධුරයන් සඳහා නම් කරනු ලැබූ මන්ත්‍රීවරුන් ගේ නම් පසුව ගැසට් කරන බවයි එහි ප්‍රකාශකයෙකු සඳහන් කළේ.
මේ අතර නව අමාත්‍ය මණ්ඩලය මෙම මස 14 වෙනිදා මහ නුවරදී දිවුරුම් දීමට නියමිතව ඇති බව අග්‍රාමත්‍ය කාර්යාලය නිවේදනය කර සිටියි.