Colombo Today Local News

දඹුල්ලේ ටයර් දමා පුළුස්සා තිබු පුද්ගලයා ඝාතනය වු හැටි

දඹුල්ල ඉහළ ඇරැව්වල, ගෝන වැව ප්‍රදේශයේ දී පුද්ගලයෙකු ඝාතනය කර ටයර් දමා පිළිස්සිමේ සිද්ධියට සම්බන්ධ බවට සැක කරන පුද්ගලයන් තිදෙනෙක් මාතලේ අපරාධ කොට්ඨාසය මඟින් අත්අඩංගුවට ගෙන තිබේ.

ඊයේ (29)දින රාත්‍රියේ මොවුන් අත්අඩංගුවට ගෙන දඹුල්ල පොලීසියට බාර දී ඇත.

පසුගිය ජූනි මස 16 වන දින දඹුල්ල ඉහළ ඇරැව්වල, ගෝන වැව ප්‍රදේශයේ වන ලැහැබක් තුළ ටයර් දමා පුළුස්සා තිබු නාඳුනන සිරුරක් පොලීසිය සොයා ගනු ලැබීය.

පොලීසිය විසින් අත්අඩංගුවට ගත් සැකකරුවන්ගෙන් ප්‍රශ්න කිරීම්වල දී හෙළි වී ඇත්තේ මෙසේ මියගොස් ඇත්තේ, වැලි ටිපර් ‍රියදුරෙක් ලෙස කටයුතු කළ කහවත්ත ප්‍රදේශයේ පුද්ගලයෙකු බවය.

සිද්ධියට සම්බන්ධව අත්අඩංගුවට ගෙන ඇත්තේ ද ගෝන වැව ඉදිකිරීම් සඳහා වැලි සපයන තවත් වැලි ටිපර් හිමිකරුවන් තිදෙනෙක් බව පොලීසිය පවසයි.

මියගිය වැලි ටිපර්කරුගේ බිරිඳ සමග ප්‍රධාන සැකකරු අනියම් සබඳතාවක් පවත්වා ඇති බව පරීක්ෂණවල දී හෙළි වී ඇත.

මෙම ඝාතනයට සෙසු සැකරුවන් දෙදෙනාගේ ද සහය ලබා ගෙන ඇති බව පොලීසිය කියයි.

මෙම පුද්ගලයා ඝාතනය කිරීමට දින කිහිපයකට ඉහත දී වෙනත් ටිපර් රථයක් යොදා ගෙන, පරණ ටයර් මෙම ස්ථානයට ගෙනවිත් දමා තිබෙන බවත්, පසුව ජූනි 16 වන දින ප්‍රධාන සැකකරු මියගිය පුද්ගලයා සමග දඹුල්ලට පැමිණ මත්පැන් සාදයක් පවත්වා ඇත.

පසුව ඝාතනය වු පුද්ගලයාගේ ගෙල කපා පරණ ටයර් දමා ගිනි තැබූ බව සැකකරුගෙන් ප්‍රශ්න කිරීම්වල දී හෙළි වී තිබේ.

Related posts

20 සංශෝධනයෙන් රට යන්නේ ආපස්සටයි. අපට වූ පොරොන්දු ඉටු කර නෑ.. – ශ‍්‍රීනිපය කියයි

colombotoday

ඤාණසාර හිමිට නිදහස ලබා දෙන්නැයි බුද්ධ ශාසන ඇමති, ජනපතිගෙන් ලිඛිතව ඉල්ලයි…

colombotoday

ආබාධිත දරුවෙකු බිහිකළ වරදට කාති උසාවිය දුන් නරුම තීන්දුව

colombotoday

නෙවිල් ප්‍රනාන්දුගේ රෝහලට ආණ්ඩුවෙන් තවත් කෝටි 09ක් වෙන්කරයි

colombotoday

රන්ජන්ට බන්ධනාගාරයේ විශේෂ වරප්‍රසාද. | වෙනම රූපවාහිනියක්, විදුලි පංකාවක්, මෙට්ටයක් හා වැසිකිළියක් ලබා දීලා.

colombotoday

මවගේ ඇකයේ සිටියත් ඒඩ්ස් බෝවෙනවායි අධ්‍යාපන ඇමති කළ ප්‍රකාශයට ඒඩ්ස් මර්ධන ව්‍යාපාරයෙන් පිළිතුරු

colombotoday