හක්මණ පොලිස් වසමේ කෝංගල මාර්ග බාධකයේ රාජකාරියේ යෙදී සිටියදී ටිපර් රථයකට යටවී මිය ගිය පොලිස් කොස්තාපල්වරයා පොලිස් සැරයන් තනතුර දක්වා උසස් කර ඇති බව පොලිස් මුලස්ථානය සදහන් කරයි.
ඒ අනුව ඔහුගේ තනතුර ජුලි 13 දින සිට ක්‍රියාත්මක වන පරිදි පොලිස් කොස්තාපල් තනතුරේ සිට පොලිස් සැරයන් තනතුර දක්වා පශ්චාත් උසස්වීම් පදනම යටතේ වැඩබලන පොලිස්පතිවරයා විසින් උසස් කර ඇත.
පසුගිය 13 වන දා , මාතර, හක්මන ප්‍රදේශයේ දී මාර්ග බාධක රාජකාරියේ නිරතව සිටි පොලිස් නිලධාරීන් පිරිසක්, ටිපර් රථ රියදුරෙකු විසින් යටකර පලාගොස් තිබුණි.
අනතුරින් පොලිස් කොස්තාපල්වරයෙකු මියගොස් පොලිස් සැරයන්වරුන් දෙදෙනෙකු බරපතළ තුවාල ලැබීය.
මෙම සිද්ධියෙන් මිය ගියේ මාලිත ශාමේන් නැමැති පොලිස් කොස්තාපල්වරයෙකි.