ජෙනරල් ශවේන්ද්‍ර සිල්වා මහතා යුද්ධ හමුදාධිපති ධූරයෙන් නික්මයාමෙන් පසු නිත්‍ය ආරක්ෂක මාණ්ඩලික ප්‍රධානී ලෙස පත් කිරීමට ජනාධිපති ගෝඨාභය රාජපක්ෂ මහතා තීරණය කර ඇත.
ආරක්ෂක මාණ්ඩලික ප්‍රධානී සහ යුද්ධ හමුදාධිපති ජෙනරල් ශවේන්ද්‍ර සිල්වා මැයි මස 31 වන දින යුද්ධ හමුදාධිපති ධූරයෙන් නික්මයාමෙන් අනතුරුව නව ආරක්ෂක මාණ්ඩලික ප්‍රධානී ලෙස 2022 ජුනි 1 වන දින සිට රාජකාරි භාර ගැනීමට නියමිතව ඇත.
ජෙනරල් ශවේන්ද්‍ර සිල්වා මෙම ධූරයට පත්වන විට වැඩබලන ආරක්ෂක මාණ්ඩලික ප්‍රධානී ලෙස කටයුතු කරමින් සිටියේය.
මේ අතර නව යුද හමුදා මාණ්ඩලික ප්‍රධානී ලෙස රාජකාරි හොබවන ලුතිනන් ජෙනරාල් විකුම් ලියනගේ මහතා ජූනි මස 01 වැනිදා සිට නව යුද්ධ හමුදාධිපතිවරයා ලෙස ධූරයේ රාජකාරි භාරගැනීමට නියමිතව ඇති බව වැඩි දුරටත් වාර්තා වේ.