ලබන ජනවාරි මාසයේ මුල් සති දෙක ඇතුළත ඇමරිකානු ඩොලර් මිලියන දහසක (රුපියල් කෝටි දාහත්දාස් හත්සියක මුදලක්) ණය මුදලක් එකවර ගෙවීමට සිදුවී ඇති අතර එම මුදල එකවර නොගෙව්වොත් රටට බරපතළ ආර්ථික අර්බුදයකට මුහුණ දීමට සිදුවන බව ආර්ථික විශේෂඥයෝ කියා සිටිති.
හිටපු නියෝජ්‍ය මුදල් ඇමති ආචාර්ය හර්ෂ ද සිල්වා මහතා මේ සම්බන්ධයෙන් අදහස් දක්වමින් ප්‍රකාශ කර සිටියේ මහින්ද රාජපක්ෂ රජය කාලයේ ලබාගත් ස්වෛරී බැඳුම්කර සඳහා මෙම ණය මුදල ගෙවීමට සිදුව ඇති බවයි.
මෙම ණය මුදල ගෙවීමට නොහැකි වූවොත් ණය දෙන සියලු ආයතන අපේ රට අසාදු ලේඛනගත රටක් වශයෙන් සලකනු ඇතැයි ද ආචාර්ය හර්ෂ ද සිල්වා මහතා කීය.
ණය මුදල ගෙවීම සඳහා කිසිදු සැලැස්මක් මෙතෙක් ක්‍රියාත්මක නොවන බවද ඔහු ප්‍රකාශ කළේය.