ජනාධිපති මෛත්‍රීපාල සිරිසේන මහතා විසින් පෙරේදා දිනයේ නියෝග කර තිබුණද ලංකා බැංකුව මහජන බැංකුව හා ආයෝජන මණ්ඩලයේ සභාපතිවරුන් සහ අධ්යක්ෂ මණ්ඩලය කිසිවකු ඉල්ලා අස් වී නැති බව අද ලංකාදීප පුවත්පත වාර්තා කරයි.
ඔවුන් සියලු දෙනා තම ධූරයෙන් ඉල්ලා අස් නොවීමට තීරණය කර ඇති බවද එම වාර්තාවේ දැක්වේ.
එම ආයතන අයත් ඇමතිවරුන් වන ලක්ෂ්මන් කිරිඇල්ල හෝ මලික් සමරවික්‍රම සභාපතිවරුන්ට හෝ අධ්යක්ෂ මණ්ඩලයට ඉල්ලා අස්වන්නැයි දැනුම් දී ඇති බව ද සඳහන්ය.
මුදල් පනත අනුව මහජන බැංකුවට හා ලංකා බැංකුවට ධ්‍යක්ෂ මණ්ඩලය පත්කිරීමේ හා ඉවත් කිරීමේ බලය පැවරී ඇත්තේ මහා භාණ්ඩාගාර ලේකම්වරයාටයි.
මේ අතර ජනාධිපති කාර්යාලයේ ප්‍රකාශකයෙකු සඳහන් කගේ ජනාධිපතිවරයා විසින් එම ආයතනවල අධ්යක්ෂ මණ්ඩල ඉවත් කිරීමක් සිදු නොකළ බවත් ඔවුන් ඉවත් කරන්නැයි විෂයභාර ඇමතිවරුන් වන මලික් සමරවික්‍රමට හා ලක්ෂ්මන් කිරිඇල්ලට දැන්වීමක් පමණක් කරන ලද බවත්ය.