කන්කසන්තුරය, කීරීමලෙයි ප්‍රදේශයේ දෙපිරිසක් අතර ඇති වු ගැටුමක් සම්බන්ධයෙන් විමර්ශනය සදහා ගිය යාපනය, කන්කසන්තුරය පොලීසියට අනුයුක්තව සේවය කළ උප පොලිස් පරීක්ෂකවරයෙකුගේ රාජකාරියට බාධා කොට කැපුම් තුවාල සිදුකිරීම සම්බන්ධයෙන් වයස අවුරුදු 40 ක වයසේ පසුවන පුද්ගලයින් දෙදෙනෙකු ඊයේ (24)දින අත්අඩංගුවට ගෙන ඇති බව පොලිසිය පවසයි.
කන්කසන්තුරය පොලීසියට අනුයුක්ත උප පොලිස් පරීක්ෂකවරයෙකු මෙ‍සේ අදාළ සිදුවීමෙන් තුවාල ලබා යාපනය රෝහලට ඇතුළත් කර ඇත.
අත්අඩංගුවට ගත් සැකකරුවන් දෙදෙනා යාපනය මල්ලාකම් මහේස්ත්‍රාත් අධිකරණයට ඉදිරිපත් කිරීමට නියමිත අතර, සිදුවීම සම්බන්ධයෙන් යාපනය කන්කසන්තුරය පොලිසිය වැඩිදුර පරීක්ෂණ මෙහෙයවයි.