තම ආරක්ෂක භටයන් සහ තරුණයන් දෙදෙනෙකු අතර පෙරේදා (06) ඇති වූ සිද්ධිය සම්බන්ධයෙන් තමා දැඩි ලෙස කනගාටු වන බවත්, මේ සම්බන්ධව සාධාරණ පරීක්ෂණයක් පවත්වන ලෙස පොලිසියෙන් හා ආරක්ෂක අංශවලින් ඉල්ලා සිටින බවත් මහනුවර දිස්ත්‍රික් පාර්ලිමේන්තු මන්ත්‍රී එස්. බී. දිසානායක මහතා පවසයි.
අමාත්‍යවරයාගේ ආරක්ෂකයන් සහ ගිනිගත්හේන ප්‍රදේශයේ තරුණයන් පිරිසක් අතර ඇතිවූ උණුසුම්කාරී සිද්ධියකදී ආරක්ෂයන් වෙඩි තැබීම හේතුවෙන් තරුණයෙන් දෙදෙනෙකු සුළු තුවාල ලබා රෝහල්ගත කෙරිණි.
අදාල සිද්ධිය පිළීබදව ගෝඨාභය රාජපක්ෂ මහතාද නිවේදනයක් නිකුත් කර තිබුණු අතර, සිද්ධිය පිළිබද සොයා බලා වහාම නීතිය ක්‍රියාත්මක කරන ලෙස ඔහු අදාල අංශවලින් ඉල්ලීමක් කර තිබිණි.
ආරංචිමාර්ග පවසන පරිදි අදාල සිදුවීම පිළිබදව ගෝඨාභය රාජපක්ෂ මහතා එස්.බී. දිසානායක මහතා දැඩි ලෙස අවවාද කර ඇති අතර, වහාම සිය ආරක්ෂකයන් හා සමීප ආධාර කරුවන් හසුරුවා ගැනීමට කටයුතු කරන ලෙසත්, ඒ පිළිබදව වගකීම බාරගත යුතු බවත් දැඩිව අවධාරණය කර ඇත.