ඉන්දියාවේ දිනක් තුළ වාර්තා වූ වැඩිම කොවිඩ් ආසාදිත මරණ සංඛ්‍යාව ඊයේ (16)දින වාර්තා වී තිබේ.
ඊයේ දිනය තුළදී පමණක් එරටින් මරණ 2006ක් වාර්තා වී තිබේ.
ඒ අනුව මේ වන විට ඉන්දියාවේ කොවිඩ් නයින්ටීන් වෛරස ආසාදිතයින් 11,921 දෙනෙකු මියගොස් ඇති බව සඳහන් වේ.
එසේම එරටින් නව ආසාදිතයින් 11,135 දෙනෙකු ඊයේ හඳුනාගෙන ඇති අතර ඒ අනුව එරට සමස්ත ආසාදිතයින් සංඛ්‍යාව 354,161දෙනෙකු දක්වා ඉහළ ගොස් ඇති බව විදෙස් වාර්තා සඳහන් කළේය.
ඉන්දියාවෙන් හඳුනාගෙන ඇති සමස්ත ආසාදිතයින්ගෙන් 187,522 දෙනෙකු මේ වන විට පූර්ණ සුවය ලබා තිබේ.