ඇමෙරිකාවට සහාය දක්නමින්, ඉරානය සමඟ යුද්ධයකට පැටලීමට තමන් පසුබට නොවන බව උතුරු අත්ලාන්තික් ගිවිසුම් සංවිධානය හෙවත් නේටෝ සංවිධානය පැවැසීමත් සමඟ රුසියාව පවසා ඇත්තේ තමන්ගේ සහාය ඉරානයට හිමිවන බවය.
ඒ අනුව, ඉරානය මුල්කොට ගනිමින් යුද්ධයක් නිර්මාණය වුවහොත් එය තෙවැනි ලෝක යුද්ධය තෙක් දුරදිග යෑමේ අවදානමක් පවතින බවට ජගත් දේශපාලන විශ්ලේෂකයෝ බිය පළ කරති.
රුසියාව නේටෝ සාමාජිකයකු නොවේ. නේටෝ සංවිධානය පිහිටුවා ගැනීමට හේතුව වූයේ රුසියාවය. ඉරානය සහ රුසියාව අතරේ යහපත් සබඳතා පවතී. සිරියාවේ අයි.එස්. හෙවත් ඉස්ලාමික් ස්ටේට් ත්‍රස්තවාදීන්ට එරෙහි සටනේ දී සිරියානු රජයට සහාය දක්වන්ාන් ද රුසියාවය. ඒ, ඉරානය සමඟ එක් වෙමිනි.
ඉරාන හමුදා ප්‍රධානී ජනරාල් කසීම් සුලෙයිමානී ඇමෙරිකන් ඩ්‍රෝන යානා මිසයිල ප්‍රහාරයෙන් මියගිය අවස්ථාවේදී, රුසියාව ඉරාන වැසියන්ට සොව පළ කළේය. සුලෙයිමානි ඉරාන ජනතාව වෙනුවෙන් කැපවුණු සැබෑ දේශප්‍රේමියකු යැයි රුසියානු ජනාධිපති ව්ලැදිමීර් පුටින් පවසා ඇත.