Colombo Today Local News

අත්අඩංගුවට ගත් කොටියා වමාරයි – කිලෝ 15ක ක්ලේමෝ බෝම්බ 2 ක් සොයා ගනී

ති‍්‍රකුණාමලය සේරුනුවර ප‍්‍රදේශයේ රැඳී සිටියදී යුද හමුදාව මගින් අත්අඩංගුවට ගෙන පොලිසියට භාර දුන් තීබන් නොහොත් ජෝශප් පීටර් රොබින්සන් නමැති එල්ටීටීඊ ත‍්‍රස්තවාදියාගෙන් ලබාගත් තොරතුරු මත කිලෝග‍්‍රෑම් පහළොව බැගින් බරැති අධිබල ක්ලේමෝ බෝම්බ දෙකක් පොලිසිය සොයාගෙන තිබේ.

කිලිනොච්චිය පොලිස් ත‍්‍රස්ත විමර්ශන ඒකකය භාරයේ සිටින මෙම කොටි ත‍්‍රස්තවාදියාගෙන් වැඩිදුරටත් සිදු කළ ප‍්‍රශ්න කිරීම්වලදී යාපනය කොණ්ඩාවිල් වරණි ප‍්‍රදේශයේ ඉඩමක් පිටුපස වළ දමා තිබී මෙම බෝම්බ දෙක සොයා ගැනීමට පොලිසිය සමත්ව ඇත.

නැගෙනහිර පළාතේදී ප‍්‍රභූ දේශපාලන ඝාතනයකට සූදානම්ව සිටියදී මෙම කොටි ත‍්‍රස්තවාදියා යුද හමුදාවට කොටුවී ඇතැයි මේ වන විට තොරතුරු අනාවරණය වී ඇත.

මෙම කොටි ත‍්‍රස්තවාදියා මීට වසර දෙකකට පමණ පෙර කිලිනොච්චිය ඔඞ්ඩුසුඩාන් මාර්ගයේදී ති‍්‍රරෝද රථයකින් පුපුරන ද්‍රව්‍ය තොගයක් ප‍්‍රවාහනය කරමින් සිටි කොටි ත‍්‍රස්තවාදීන් පිරිසක් පොලිසියට කොටුවූ අවස්ථාවේ පොලිසියෙන් බේරී පලා ගිය අයකු බවට ද තොරතුරු හෙළිවී ඇත.

පොලිස් ත‍්‍රස්ත විමර්ශන කොට්ඨාසය වැඩිදුර විමර්ශන සිදුකරයි.

Related posts

පාතාලයෙන් වෙඩි වරුසාවක්

Admin

“ගැහුවෙ සේනාධිපතිට වැදුනෙ රණවිරුවන්ට” – ඇවන්ගාඩ් සේනාධිපති සියල්ල හෙළිකරයි.

colombotoday

වැලිකඩ බන්ධනාගාරයේ රැඳවියෙක්ට මත්ද්‍රව්‍ය දෙන්න ආ බවට සැක අයෙක් අත්අඩංගුවට

colombotoday

රනිල්ගේ එජාප නායකත්වයටත් තට්ටු වෙයි… වෙනත් නායකයෙක් යටතේ එජාපය එන මැතිවරණයට…

colombotoday

කහටගස්දිගිලිය සියළු වෙළදසැල් වසා දැමේ

colombotoday

දෙමළ සන්ධානය එජාපයට එකතු වූ හේතුව ධර්මලිංගම් හෙලිකරයි

colombotoday