අධිකරණ අමාත්‍ය ධූරය හොබවන මොහොමඩ් අලි සබ්‍රි වෙනුවට වෙනත් ඇමතිවරයෙකු පත්කිරීම සම්බන්ධයෙන් මේ වනවිට පාර්ලිමේන්තු මන්ත්‍රීවරුන් අතර කසු කුසුවක් ඇතිවී තිබෙනවා.
කොරෝනා මරණ ආදාහනය කිරීමට සෞඛ්‍ය බලධාරීන් ගත් තීරණය විවේචනය කරමින් අධිකරණ අමාත්‍යවරයා සමාජ මාධ්‍ය තුල ආරම්භ කළ අදහස් දැක්වීම මේ වනවිට මහ පාර දක්වා පැමිණ ඇත.
රජයේ සාමුහික වගකීමෙන් මිදෙමින් කැබිනට් අමාත්‍යවරයෙකු ලෙස තම ආගමික මතවාදය වෙනුවෙන් පෙනීසිටීම පිළිබඳව සිවිල් සංවිධානවල විවේචනයට අලි සබ්‍රි අමාත්‍යවරයා ලක් විය.
අදාළ හේතුන්මත රජය නියෝජනය කරන මන්ත්‍රීවරුන් අතර ද අලි සබ්‍රි අමාත්‍යවරයාට එරෙහිව විරෝධයක් ගොඩනැගී ඇති අතර එහි ප්‍රතිපලයක් ලෙස අමාත්‍යධුරය සංශෝදනය කිරීමට සුදානම් වන බව දැනගන්නට ඇත.
මොහොමඩ් අලි සබ්‍රිගෙන් ඉවත් කෙරෙන අධිකරණ අමාත්‍යාංශය බොහෝ දුරට විජේදාස රාජපක්ෂ හෝ ප්‍රේමනාත් සී දොලවත්ත යටතට පත්කෙරෙනු ඇති බවට මේ වනවිට කතාබහට ලක්වෙමින් පවතියි.