BusinessColombo Today Local News

පාරිභෝගිකයන්ට පරණ ජම්බෝ පීනට් කවන්න යද්දී Renuka Foods මාට්ටු. කෝටි දෙකක පීනට් තොගයක් අත්අඩංගුවට

පෙරේදා (16) දින පැලියගොඩ පොලිස් ස්ථානය සිදුකල විශේෂ වැටලීමකදී පැලියගොඩ නුගේ පාරේ පිහිටි Renuka Foods PLC ආයතනයට අනුබද්ද සමාගමක් වන Shaw Wallace Ceylon Ltd ආයතනය සතු ආහාර ද්‍රව්‍ය අසුරන කර්මාන්ත ශාලාවක චීනයෙන් ගෙන්වන ලද කල් ඉකුත් වූ ජම්බෝ පීනට් පැකට් නැවත අලුත් ඇසුරුම් වෙත අසුරමින් සිටියදීයි හසුවී ඇත.

මෙහිදී කල් ඉකුත් වූ රුපියල් කෝටි තුනකට ආසන්න වටිනාකමකින් යුත් ජම්බෝ පීනට් පැකට් 118,000ක් පමණ සොයාගෙන ඇත. ඒවා එම පැකට් වලින් ඉවත් කර නව දවටන සහ කල් ඉකුත්වීමේ දින සහිත පැකට්වලට අසුරන අවස්ථාවේදී අදාළ තොගය අත්අඩංගුවට ගෙන ඇති අතර දැනට එම ස්ථානය මුද්‍රා තබා පොලිස් නිලධාරින්ද යොදවා ඇති බව නියෝජ්‍යය පොලිස්පති නීතිඥ අජිත් රෝහණ මහතා ඊයේ (17) සඳහන් කරන ලදි.


අදාළ සමගම විසින් රේණුකා පොල් කිරි ආශ්‍රිත නිෂ්පාදන, Renuka Captain ටින් මාළු, Richlife කිරි නිෂ්පාදන, Renuka Captain සොයා මීට්, Mr. POP නිෂ්පාදන, Mayfair චුයින්ගම්, Renute තේ නිෂ්පාදන, Sun Gold පලතුරු බීම, Rainers රස කාරක සහ Rainers වර්ණ කාරක ආදී වූ විශාල නිෂ්පාදන ප්‍රමාණයක් මෙරට තුල බෙදා හැරීම සිදුකරනු ලබයි.

මේ පිළිබඳව විමසීම සඳහා එම ආයතනය දුරකථනය ඔස්සේ සම්බන්ධ කර ගැනීමට උත්සහ කල අතර වෙළඳ කළමනාකරු වන රුවන් මහතාට අමතන ලෙස දුරකථන ක්‍රියාකරු විසින් දුරකතන අංකයක් ලබා දුන්නද ඇමතුම සඳහා ඔහු ප්‍රතිචාර දැක්වුවේ නැත.

මීට ඉහතදී ලැබුණු පැමිණිල්ලක් මත පාරිභෝගික අයිතිවාසිකම් සුරැකීමේ ජාතික ව්‍යාපාරය විසින් පාරිභෝගික කටයුතු පිලිබඳ අධිකාරියට මෙම සමාගම විසින් බෙදා හරින ලද ප්‍රමිතියෙන් තොර ජම්බෝ පීනට් වලට විරුද්ධව පැමිණිල්ලක් සිදුකර ඇති අතර යලි එවැනි දේ නොකිරීමේ පොරොන්දුව මත එය සමතයකට පත්ව ඇත.

Renuka Foods PLC සතු සමාගම් ජාලය

Related posts

පාර්ලිමේන්තුවෙන් එළියට විසි උණු රන්ජන්ගේ පුටුවට අජිත් ?

colombotoday

ජවිපෙ 20ට අපි එකහෙළාම විරුද්ධයි – හෙළ උරුමය

colombotoday

සජිත්ගේ ජනපති අපේක්ෂක එකගතා ලියවිල්ල ලීක් වෙයි… දිනුවානම් රටම සුන් !

colombotoday

සිංගප්පූරු – ශ්‍රී ලංකා නිදහස් වෙළෙඳ ගිවිසුමේ ඉදිරි කටයුතු තාවකාලිකව අත්හිටුවයි

colombotoday

රට විරුවන්ගේ තීරු බදු සහන සහිත විදුලි වාහන නිදහස් කිරීම අරඹයි

Admin

“බී.එම්.ඩබ්ලිව්. සංඝ මුදලාලිලා හොරුන්ට කඩේ යනවා” – රන්ජන්ගෙන් භික්ෂූන් වහන්සේලාට වාග් ප්‍රහාරයක් (Video)

colombotoday