ත්‍රස්තවාදයෙන් රට බේරාගත් විරෝධාර හමුදාව සිවිල් වැසියන් ඝාතනය කළ බව පවසමින්, කොටි සාමාජිකයන් සැමරීමට උතුරේ ජනතාවට අයිතියක් ඇතිබව රජයේ මාධ්‍ය ප්‍රකාශක ඇමති රාජිත සේනාරත්න කළ ප්‍රකාශය දැඩි පිළිකුලෙන් හෙළා දකින බව ගෝලීය ශ්‍රී ලාංකික සංසදය පවසයි.
නිවේදනයක් නිකුත් කරමින් එම සංවිධානය පවසන්නේ මින් මතුවට තමන් රාජිත සේනාරත්න ඇමතිවරයා දේශද්‍රෝහියෙකු ලෙස සලකන බවයි.
බෙදුම්වාදීන්ට උඩගෙඩි දෙමින් මෙවන් දේශද්‍රෝහී ප්‍රකාශ කරන රාජිත සේනාරත්න අමාත්‍යවරයා රජයේ දරන තනතුරුවලින් වහාම නෙරපා දමන්නැයිද එම සංවිධානය ජනාධිපති මෛත්‍රීපාල සිරිසේන මහතාගෙන් ඉල්ලා සිටී.
