රාජාංගනය ප්‍රදේශයේදී එකම පවුලේ පස් දෙනෙකු ගමන් ගත් කාර් රථයක් ඇලට පෙරලී අට හැවිරිදි දැරියක් මිය ගොස් ඇති බව රාජාංගනය පොලීසිය පැවසීය.
මෙලෙස මිය ගොස් ඇත්තේ රාජාංගනය, අඩම්පනේ පදිංචි පවුලක අට හැවිරිදි දියණියකි.
එකම පවුලේ මව, පියා සහ දියණියන් තිදෙනා බෙලි අත්ත ප්‍රදේශයේ පදිංචි හිතවතකුගේ නිවසකට ගොස් නැවත රාජාංගනය, අඩම්පනේ පිහිටි පදිංචි නිවස කරා පැමිණෙමින් සිටියදී, පුත්තලම අනුරාධපුර මාර්ගයේ රාජාංගනය ඇද බෝක්කුව ප්‍රදේශයෙදී ඊයේ(30) අළුයම 03.45 ට පමන අනතුරට මුහුණ දීමට සිදුව ඇත. කාර් රථය පැදවූ පියාට නින්ද යාම හේතුවෙන් අනතුර සිදුව ඇති බව රාජාංගනය පොලීසිය කියයි.
අනතුරේදී පියා සහ මව, පිහිණීමේ හැකියාව තිබු වැඩිමහල් දියණියන් දෙදෙනා ජීවිත බේරාගෙන ඇති අතර පවුලේ අට හැවිරිදි බාල දියණිය ජලයේ ගිලී මිය ගොස් ඇත.
මේ පිළිබඳ වැඩිදුර පරික්ෂණ රාජාංගනය පොලිසිය සිදු කරයි.
මැදවච්චය – සජිත් ගයාන් උබේපාල