බංග්ලාදේශයේ හෙෆසාත්-ඊ-ඉස්ලාම් (Hefazat-e-Islam) සංවිධානයේ දේශකයෙකු වන රෆිකුල් ඉස්ලාම් මදනි රාජ්‍ය විරෝධී ප්‍රකාශ සහ කුමන්ත්‍රණ ඇති කිරීමේ චෝදනා මත අත්අඩංගුවට ගෙන තිබේ.
28 හැවිරිදි මදනි, ෂිෂුබොක්ටා (Shishu Bokta) නොහොත් ළමා දේශක ලෙසද හඳුන්වයි. බංග්ලාදේශ පොලිසියේ ප්‍රභූ බලකාය වන Rapid Action Battalion (RAB) කණ්ඩායමක් විසින් බදාදා රාත්‍රියේ ඔහු අත්අඩංගුවට ගනු ලැබුවේ නෙට්රෝකෝනාහි පුර්බාටෝලා පළාතේ මුතුන්මිත්තන්ගේ නිවසක සිටියදීය.
රාජ්‍ය විරෝධී, ප්‍රකෝපකාරී ප්‍රකාශ කිරීම සහ ව්‍යාකූලත්වය ඇති කිරීම යන චෝදනා යටතේ දේශකයාට එරෙහිව ඩිජිටල් ආරක්ෂක පනත යටතේ නඩු පවරා ඇත.
මෙම නඩුව බ්‍රහස්පතින්දා උදෑසන RAB හි නියෝජ්‍ය අතිරේක අධ්‍යක්ෂ මොහොමඩ් කලීඩ් විසින් ගච්චා පොලිස් ස්ථානයේදී ගොනු කළ බව ගාසිපූර් මෙට්‍රොපොලිටන් පොලිසියේ නියෝජ්‍ය පොලිස්පති මොහොමඩ් එල්තුට්මිෂ් මහතා පැවසීය.