Colombo Today Local News

පැපුවා නිව් ගිනියාවේ ගෝත්‍රික ගැටුමේ නවතම තොරතුරු

පැපුවා නිව් ගිනියාවේ හයිලන්ඩ්ස් ප්‍රදේශයේ, ගෝත්‍රික ගැටුමකදී සිදු වූ වෙඩි තැබීමකින් තවත් පුද්ගලයින් රැසක් මිය ගොස් ඇතැයි විදෙස් මාධ්‍ය වාර්තා කරයි.

මෙම සිදුවීම නිසා ගත වුණු සතිඅන්තයේ එහි එංගා පළාතේ පුද්ගලයින් 64 දෙනෙකු ජීවිතක්ෂට පත්ව ඇතැයි බලධාරීන් මුල්වරට සඳහන් කර තිබේ.

නමුත් පසුව නිකුත් කෙරුණු වාර්තාවල දක්වා ඇත්තේ, වැරදි ලෙස සිදු වූ ගණනය කිරීමක් හේතුවෙන් එම මියගිය සංඛ්‍යාව 26ක් ලෙස සංශෝධනය විය යුතු බව ය.

හයිලන්ඩ්ස් ප්‍රදේශය දිගු කලක් ප්‍රචණ්ඩ ක්‍රියාවලින් පීඩා විඳ තිබුණ ද මෙම ඝාතන වසර ගණනාවකට පසු එහි සිදු වූ දරුණුතම ඝාතන බව විශ්වාස කෙරේ.

මහා පරිමාණයෙන් නීතිවිරෝධී ගිනි අවි ගලා ඒම හේතුවෙන් ගැටුම්වලදී සිදුවන ජීවිත අහිමිවීම් ඉහළ ගොස් ඇති අතර එමගින් ප්‍රචණ්ඩ ක්‍රියා සිදුවීම ද උත්සන්න වී ඇතැයි විදෙස් මාධ්‍ය වාර්තා කර ඇත.

ඒ හේතුවෙන් පසුගිය වර්ෂයේ ජූලි මාසයේදී එංගා පළාත මාස තුනක කාලයක් වසා දැමීමට සිදු වූ බව ත් එම කාලය තුළ පොලිසිය ඇඳිරි නීතිය සහ සංචරණ සීමා පැනවීමට කටයුතු කළ බව ත් එම වාර්තාවල දැක්වේ.

මෑතකාලීන ගැටුම් සඳහා ගෝත්‍ර 17ක් සම්බන්ධ වී ඇති හෙයින් සාමය ආරක්ෂා කිරීම ආරක්ෂක හමුදාවන්ට පැවරී ඇතැයි විදෙස් මාධ්‍ය වැඩිදුරටත් වාර්තා කර තිබින.

Related posts

ජනපතිගේ සර්ව පාක්ෂික සමුළුවට කථානායක සහ ජවිපෙ එන්න බෑ කියයි

colombotoday

දිවුලපිටියේ පන්දම් විරෝධයට රාජ්‍ය අමාත්‍ය ඉන්දික අනුරුද්ධගේ මැරයෝ පහර දෙයි

Admin

වරක් භාවිත කර ඉවතලන ප්ලාස්ටික් හා පොලිතීන් නිෂ්පාදන 07ක් තහනම් කිරීමට කැබිනට් පත්‍රිකාවක්

colombotoday

පැරණි නිල රථය තවමත් හොද තත්ත්වයේ.. රෝසි අලුත්ම සැප රියක් ගන්න යයි.. සේවකයන්ගේ දැඩි අප්‍රසාදය !

colombotoday

ස්විස් තානාපති කාර්යාල සිද්ධියේ පරික්ෂණ වාර්තා අද අධිකරණයට

colombotoday

ගුරුවරිය දණ ගැස්සූ නඩුවෙන් පා. මන්ත්‍රී චාමර සම්පත් නිදහස්

colombotoday