පාර්ලිමේන්තුවේ ආණ්ඩුවෙන් ස්වාධින වූ කණ්ඩායම් සහ විපක්ෂ කණ්ඩායම් එකතුවී අද දින පාර්ලිමේන්තුවේදී බහුතරය පෙන්වීමේ සුදානමක් පවතින බව දේශපාලන ආරංචි මාර්ග ඔස්සේ වාර්තා වෙනවා.
පසුගියදා ආණ්ඩුවෙන් ස්වාධීන වූ කණ්ඩායම, විමල් විරවංශ ඇතුළු පක්ෂ 11 ක ස්වාධීන වූ කණ්ඩායම සමගින් ඩලස් අලහප්පෙරුම සහ චම්පික රණවක යන මන්ත්‍රීවරුන්ගේ කණ්ඩායම් අද දින එකට එකතුවීමට නියමිත බව එම ආරංචි මාර්ග සඳහන් කර සිටියි.
මෙයට අදාලව ඊයේ දින මන්ත්‍රීවරු කිහිපදෙනෙකුගේ කොළඹ නිවෙස්වලදී සාකච්ඡා පවත්වා ඇත.
අද (8) දින සභා ගර්භය මැදට මෙලෙස ස්වාධීන වූ මන්ත්‍රීවරු පැමිණීමට නියමිත බවත් නව රජයක් පිහිටුවීම සඳහා දෙමල ජාතික සන්ධානයේ සහයෝගය ලබා ගැනීමටත් මෙම කණ්ඩායම සුදානමින් සිටින බවටත් වාර්තා වේ.