ගුරුකන්ද රජමහ විහාරයේ විහාරාධිපති කොළඹ මේධාලංකාරකිත්ති නාහිමිගේ දේහය පිළිබඳ ආදාහන පූජෝත්සවය එම විහාරයේ සිදු කළහොත් සාමය කඩ වීමට ඉඩ ඇති බවට පසුගිය ඉරිදා දින මුලතිව් අතිරේක මහේස්ත්‍රාත් වෙත කරුණු වාර්තා කිරීමට පියවර ගෙන ඇත්තේ මුලතිව් පොලිස් ස්ථානාධිපති සේනාධිපති ද සිල්වා බව වාර්තා වෙනවා.
පසුගිය සඳුදා අධිකරණයේ නඩුව කඳවු අවස්ථාවේදී විහාරස්ථානය වෙනුවෙන් පෙනී සිටි නීතිඥන්ගේ ප්‍රශ්න කිරීම්වලට පිළිතුරු ලබා දෙමින් ඉරිදා අධිකරණයට කරුණු දක්වන අවස්ථාව වන විට ආදාහන පූජෝත්සවයට විරුද්ධව කිසිදු පැමිණිල්ලක් පොලිසියට ලැබී නොතිබුණු බවට පොලිස් ස්ථානාධිපතිවරයා අධිකරණයේදී පිළිගෙන ඇත.
පොලිස් ස්ථානාධිපතිවරයාගේ පක්ෂග්‍රාහී ක්‍රියාකලාපය අදාහන පූජෝත්සවයට සහබාගි වූ භික්ෂුන් වහන්සේලාගේ දැඩි විවේචනයට ලක්වූ අතර පොලිසියේ මෙම ක්‍රියාව හේතුවෙන් සිංහල සහ දෙමල ජනතාව ප්‍රකෝප ගැන්වූ බවට චෝදනා එල්ල විය.