Colombo Today Local News

බීමතින් පැමිණි සැමියාට බිරිඳගේ දඩුවමින් දිවි අහිමි වේ.

බීමතින් නිවසට පැමිණි පුද්ගලයෙකු බිරිඳගේ පහරදීමකින් මියයෑමේ පුවතක් මාතර වැලිගම ප්‍රෙද්ශයෙන් වාර්තාවෙයි.

මෙලෙස මියගියේ 42හැවිරිදි තිදරු පියෙකි.

මාතර, වැලිගම, කොස්ගහහේන ප්‍රදේශයේ පදිංචි ඔහු ඊයේ රාත්‍රියේ සිය නිවසට පැමිණ තිබුණේ දැඩි ලෙස බීමත්වය.

මත්පැන් භාවිතයට ඇබ්බැහි වී සිටි ඔහු නිතර බීමත්ව පැමිණ සිය බිරිඳට පහරදීම හේතුවෙන් නිවසේ නිරන්තරයෙන් ගැටුම්ද හටගෙන තිබේ.

ඔහු ඊයේ රාත්‍රියේද බීමත්ව පැමිණ බිරිඳට පහරදීමට උත්සාහ කර ඇති අතර, එහිදී බිරිඳ අවට හිතවතුන් කිහිපදෙනෙකු හා එක්ව සිය සැමියා නිවස ඉදිරිපස කණුවක ගැටගසා තිබුණි.

පසුව බිරිඳ ඇතුළු පිරිස ඔහුට පහරදී ඇති අතර, එලෙස පහරදීමේදී සිහිසුන්වීම හේතුවෙන් වැලිගම රෝහල වෙත ඇතුළත්කර තිබුණද ඒ වනවිටත් ඔහු මියගොස් සිටි බව වාර්තා වෙයි.

පොලිසිය සැක පළකරන්නේ ගැටගසා තිබූ ලණුව ගෙලෙහි සිරවීමෙන් මරණය සිදුවන්නට ඇති බවටය.

සිද්ධිය සම්බන්ධයෙන් මියගිය පුද්ගලයාගේ බිරිඳ වැලිගම පොලිසිය විසින් අත්අඩංගුවට ගෙන තිබේ.

Related posts

ලෝක වෙළදපොලේ තෙල් මිල සීග්‍රයෙන් පහළ යද්දී පෙට්රල් මිල ඉහළ දැමීම අසාධාරණයි.

colombotoday

ශරියා විශ්වවිද්‍යාලයට අරමුදල් දුන් “පික් මී“ කුලී රථ සේවයට විරෝධයක් (Video)

colombotoday

ඩිජිටල් ඇමතිගෙන් තරුණයන්ට ලාබෙට ස්මාර්ට් ෆෝන් සහ ටැබ්ලට්

colombotoday

ශ්‍රී ලාංකිකයන්ට ක්ෂේත්‍ර 14ක ජපානයේ අසීමිත රැකියා…

colombotoday

පළාත් සභා මැතිවරණයට අදාළ ගැසට් නිවේදනය ලබන මාසයේදී

colombotoday

උතුරට වෙනම එකක් ඉල්ලන යෝජනාව විග්නේශ්වරන්, කතානායකට බාර දෙයි

colombotoday