නුවරඑළිය, කොත්මලේ, කැටඹුලාව ප‍්‍රදේශයෙ පැවති ගම සමග පිළිසදර වැඩසටහනේදී පාර්ලිමේන්තු මන්ත‍්‍රි නිමල් පියතිස්ස මහතා හා කොත්මලේ ප‍්‍රාදේශීය සභා මන්ත‍්‍රි චාමර සුභාෂිත ද සිල්වා මහතා අතර සංවර්ධන යෝජනාවක් සම්බන්ධයෙන් ඊයේ (18) දින ඇති වු උණුසුම්කාරී තත්ත්වයකින් පසුව ඇති වු ගැටුමකින් ප‍්‍රාදේශීය සභා මන්ත‍්‍රිවරයෙකු තුවාල ලබා ප‍්‍රතිකාර සඳහා නාවලපිටිය මුලික රෝහල වෙත ඇතුලත් කර තිබේ.
නාවලපිටිය, කැටඹුලා සංවර්ධන නිලධාරී කාර්යාලයේ පැවැති 2022 අයවැය යෝජනා සදහා ග‍්‍රාමීය සංවර්ධන යෝජනා පිළිබදව පැවැති සාකච්ඡුාවේදී පාර්ලිමේන්තු මන්ත‍්‍රි, කොත්මලේ ප‍්‍රාදේශීය සංවර්ධන කමිටු සභාපති නිමල් පියතිස්ස මහතා හා තිස්පනේ කොට්ඨාශ ප‍්‍රාදේශීය සභා මන්ත‍්‍රි චාමර සුභාෂිත සිල්වා යන මහත්වරුන් අතර ඇති වු ගැටළු මුල් කර ගනිමින් මෙම ආරාවුල සිදුව තිබිණි. කොත්මලේ ප‍්‍රාදේශීය සභා මන්ත‍්‍රි සිසිර නාමල් මහතා මෙම ගැටුමේදී පහරකෑමකට ලක්ව තුවාල සිදුව නාවලපිටිය රෝහලේ නේවාසිකව ප‍්‍රතිකාර ලබයි.
නුවරඑළිය දිස්ත‍්‍රික් පාර්ලිමේන්තු මන්ත‍්‍රි, කොත්මලේ සංවර්ධන කමිටු සභාපති නිමල් පියතිස්ස මහතාගෙන් මේ පිළිබඳව කරන ලද විමසීමකදී ඒ මහතා මෙසේ පැවැසීය.
ගම සමග පිළිසදර වැඩසටහන යටතේ 2022 වසරේ අයවැය යෝජනා සඳහා ගම්වාසීන්ගෙන් තොරතුරු ලබා ගැනීමේ කටයුතු කොත්මලේ, කැටඹුලා ප‍්‍රදේශයේදී ඊයේ (18) සිදු කලා. ඒ සඳහා කොත්මලේ ප‍්‍රාදේශීය සංවර්ධන කමිටු සභාපතිවරයා ලෙස මගේ නායකත්වයෙන් එම වැඩසටහ ප‍්‍රාදේශීය ලේකම් කාර්යාලයේ මුලිකත්වයෙන් පැවැත්වුවා.
එහෙදී එක් එක් යෝජනා එක්රැස් කිරීමේදී තිස්පනේ කොට්ඨාශයේ අදාල යෝජනා ලබා ගැනීමේදී ප‍්‍රාදේශීය සභාව නියෝජනය කරන මන්ත‍්‍රිවරයෙකුගේ තදබල බලපෑම් හේතු කොට ගෙන ඔහුගේ පුද්ගලික අවශ්‍යතා වෙනුවෙන් යෝජනා ගණනාවක් ලබා දී තිබෙනවා ආපු නිලධාරිනුත් අසරණ කරලා. ඉතින් මේ නිලධාරීන් පවා බිය වද්දගෙන ප‍්‍රචන්ඩකාරී ලෙස හැසිරෙමින් මේ ප‍්‍රාදේශීය සභා මන්ත‍්‍රිවරයා කටයුතු කලා.
පොලීසියටත්, ප‍්‍රාදේශීය ලේකම් කාර්යාලයේ නිලධාරීන්ටත්, ගම්වාසීන්ටත් එපා වෙච්ච චරිතයක් විදිහට තමයි මේ ප‍්‍රාදේශීය සභා මන්ත‍්‍රිවරයා ප‍්‍රචන්ඩ ක‍්‍රියා සිදුකරන්නේ. තම කොට්ඨාශයට අයිති නොවන කොට්ඨාශයකට ඔය කියන මනුස්සයා බලහත්කාරයෙන් ඇතුළු වී අපේ කටයුතු සම්පුර්ණයෙන්ම කඩා කප්පල් කිරීමට කටයුතු කලා. බීමත් මැරවරයෝ පිරිසක් කැදවාගෙන පැමිණ ප‍්‍රචන්ඩකාරී ලෙස හැසිරිලා අපේ මන්ත‍්‍රිවරුන්ට, නිලධාරීන්ට පහර දුන්නා. මටත් පහර දෙන්න ඉදිරිපත් වෙන්න ආවා. එහෙම ඇවිත් මට බැන තර්ජනය කලා.මෙම පහරදීමෙන් තුවාල ලැබු අපේ ප‍්‍රාදේශීය සභා මන්ත‍්‍රිවරයෙකු මේ වනවිට නාවලපිටිය රෝහලේ නේවාසිකව ප‍්‍රතිකාර ලබනවා යයි පැවැසීය.
මෙම ගැටුමට සම්බන්ධ වු කොත්මලේ ප‍්‍රාදේශීය සභා මන්ත‍්‍රි චාමර සුභාෂික ද සිල්වා ගෙන් අප කල විමසීමේදි ඔහු දැක්වුයේ මෙවන් ප‍්‍රතිචාරයකි.
කොත්මලේ ප‍්‍රාදේශීය සම්බන්ධිකරණ කමිටුවේ සභාපති වරයා වශයෙන් නිමල් පියතිස්ස මහතා ග‍්‍රාමීය කමිටු කැඳවමින් ගමින් ගමට යනවා. මීට කලින් අපි මේ ග‍්‍රාමීය කමිටු කැඳවුවා ඒකට ඔහුගේ නියෝජිතයෙකුත් සහභාගි වුනා. නිමල් පියතිස්ස මහතා තම බලය පාව්චිචි කරමින් ප‍්‍රාදේශීය ලේකම් තුමිය මගින් නැවත වතාවත් ග‍්‍රාමීය කමිටු කඳවමින් යනවා. ඒ තුලින් පොදුවේ ලබාගත් යෝජනා පැත්තකට දාලා තමන්ට අවශ්‍ය ඒවා විතරක් ක‍්‍රියාත්මක කිරීම තමයි අරමුණ වෙන්නේ. ඊයේත් මේ වැඩ සටහන ක‍්‍රියාත්මක වෙද්දි ඔහු තමන්ගේ අදහස් ප‍්‍රකාශ කළාට පස්සේ මටත් අදහස් ප‍්‍රකාශ කරන්න අවස්ථාවක් මම ඉල්ලූවා. ඔහු ඒ අවස්ථාව නොදි මට පහර දුන්නා.
ඒ අවස්ථාවේදි මම මත්පැන් පානය කරලා හිටියා කියන එක බොරුවක්. මමවත් රැුස්වීමට ආපු අයවත් මත්පැන් පානය කරලා තිබුනේ නෑ. නිමල් පියතිස්ස පාර්ලිමේන්තු මන්ත‍්‍රිතුමා මත්පැන් පානය කරලා ඉන්න ඇති. එයා තමයි මේ ගැටලූව නිර්මාණය කළේ. ඒ අය ආණ්ඩුවේ එල්ලිලා ඉන්න සුලූ පක්ෂයක්. අපි තමයි ප‍්‍රධාන පක්ෂය. මගේ නායකයෝ තමයි ගෝඨාභව රාජපක්ෂ ජනාධිපතිතුමත්, මහින්ද රාජපක්ෂ අගමැති තුමත්, අපි තමයි මේ ආණ්ඩුව හැදුවේ. ඒ අය ඇවිල්ලා අපව පාලනය කරන්න හදනවා. ඒකට අපි ඉඩ දෙන්නේ නෑ. ඒ නිසයි මේ ගැටුම නිර්මාණය වුනේ. ජනාධිපතිතුමත්, අගමැති තුමත් ඒ අයට කිව්වා පුලූවන් නම් ඉදපල්ලා බැරිනම් පලයල්ලා කියලා. ඒ මතයෙම තමයි ග‍්‍රාමීය නායකයෝ හැටියට අපිත් ඉන්නේ. මේකේ එල්ලිලා ඉන්න සුලූ පක්ෂ අපිට ඕන විධිහට ආණ්ඩුවේ ඉදපල්ලා බැරිනම් පලයල්ලා කියලයි අපිත් කියන්නේ යැයි ප‍්‍රාදේශීය සභා මන්ත‍්‍රි චාමර සුභාෂිත ද සිල්වා පවසයි.
-ක්‍රිෂාන්තන් –