දින 10ක Lock Down කාල සීමාව ආරම්භ වීමත් සමගම යලිත්, නියමිත වේගයෙන් අන්තර්ජාල සේවා පවත්වාගෙන යාමට නොහැකිව ශ්‍රී ලංකාවේ සියලුම දුරකථන සහ අන්තර්ජාල සේවා සපයන ආයතන අතුරින් Dialog සමාගම ෆේල් වී ඇති බව පාරිභෝගික අයිතිවාසිකම් සුරැකීමේ ජාතික ව්‍යාපාරයේ සභාපති රංජිත් විතානගේ මහතා සඳහන් කර සිටිනවා.
එමෙන්ම නියමිත වේගයෙන් අන්තර්ජාල පහසුකම් ලබා දීමට නොහැකිනම් පාරිභෝගිකයාගේ මාසික බිලෙන් අවමය 50% ක් වත් කපා හැරීමට පියවර ගන්නා ලෙස ඒ මහතා Dialog සමාගමට දන්වා සිටියි.
Dialog සමාගමේ සේවාවන් භාවිතා කරන පාරිභෝගිකයන් සංඛ්‍යාව ට සමානව එම සමාගමේ තාක්ෂණික අංශය වැඩි දියුණු කර නැති බව යලිත් වරක් ප්‍රත්‍යක්ෂ වී ඇති බවත් තම සමාගම සතු පාරිභෝගිකයන් සඳහා නියමිත වේගයෙන් අන්තර්ජාල පහසුකම් ලබා දීමට නොහැකිනම් තවදුරටත් නව සබදතා අලවි කිරීම නවත්වන ලෙසත් විතානගේ මහතා Dialog සමාගමට තවදුරටත් දන්වා සිටියි.
එමෙන්ම මෙම තත්වය මත නව සබදතා මිලදී ගැනීමේදී Dialog සබදතා ලබා ගැනීමෙන් වලකින ලෙස තම සංවිධානයේ සාමාජිකයින්ට දැන්වූ බවත් අනවශ්‍ය ඔලුවේ අමාරුවක් මුදල් දී ලබාගැනීමෙන් වලකින ලෙස තමන් පාරිභෝගිකයාට ද දන්වන බවත් ඒ මහතා වැඩිදුරටත් අවධාරානය කර සිටියි.
මේ පිළිබඳව විදුලි සංදේශ නියාමන කොමිෂන් සභාව වෙත අද දිනයේ දී පැමිණිල්ලක් ඉදිරිපත් කරන බවත් ඒ මහතා පැවසීය.