Covid 19

කොවිඩ් වැළඳුනු දයාසිරි ජනපති කාර්යාලයටත් ගිහින්

කොවිඩ් ආසාදනය වූ රාජ්‍ය ඇමැති දයාසිරි ජයසේකර ජනවාරි පළමුවැනිදා සිට අටවැනිදා දක්වා පුද්ගලයන් පන්සීයකට අධික සංඛ්‍යාවක් ආශ්‍රය කර ඇති බව සෞඛ්‍ය අමාත්‍යාංශයේ වසංගත රෝග විද්‍යා අංශය හඳුනාගෙන තිබේ.

රාජ්‍ය ඇමැතිවරයා කොවිඩ් ආසාදිතයකු බව හඳුනා​ගෙන ඇත්තේ පසුගිය සිකුරාදා (08 වැනිදා) දිනයේය. ජනවාරි මස පළමු වැනිදා රාජ්‍ය ඇමැතිවරයා ශ්‍රී ලංකා නිදහස් පක්ෂ මූලස්ථානයේ පැවැති පිරිත් පින්කමකටද එක්ව ඇත. ජනාධිපති ලේකම් කාර්යාලයටද රාජ්‍ය ඇමැතිවරයා ගොස් ඇති බවට වසංගත රෝග විද්‍යා අංශයට තොරතුරු වාර්තා වී තිබේ.

කෙසේ වෙතත් රාජ්‍ය ඇමැතිවරයාට කොවිඩ් වැලඳුණු ආකාරය මෙතෙක් අනාවරණය කර ගැනීමට නොහැකිවී ඇත. කුරුණෑගල දිස්ත්‍රික්කයේ පැවැති නව අවුරුදු උත්සව කිහිපයකටද, පාක්ෂිකයන් හමුවීමටද සහභාගි වී ඇති බව වාර්තා වෙයි. මෙම වසරේ කිසිදු පාර්ලිමේන්තු රැස්වීමකට රාජ්‍ය ඇමැතිවරයා සහභාගි වී නැත. මේ වන විට රාජ්‍ය ඇමැතිවරයාගේ පෞද්ගලික ලේකම්වරයාටද කොවිඩ් ආසාදනය වී ඇත. දයාසිරි රාජ්‍ය ඇමැතිවරයා මේ වන විට හික්කඩුව ප්‍රදේශයේ කොවිඩ් ප්‍රතිකාර මධ්‍යස්ථානයක ප්‍රතිකාර ලබයි.

Related posts

දරු ප්‍රසූතියට රෝහල් ගත කළ ගැබිනි මව්වරුන් දෙදෙනකුට කොරෝනා | පානදුර කේතුමතී රෝහලේ වාට්ටු දෙකක් තාවකාලිකව වසා දමයි

colombotoday

පෙනහැල්ලේ කළු දිලීරය ආසාදනය වී කොවිඩ් මාරයා බිලිගත් පළමු මරණය වාර්තා වෙයි

colombotoday

කොවිඩ් ආසාදිතයින් 1,254

colombotoday

තුන්වන කොවිඩ් රැල්ලක් ඇති වීමේ දැඩි අවදානමක් ගැන මහජන සෞඛ්‍ය පරික්ෂකවරුන්ගේ සංගමයෙන් අනතුරු ඇඟවීමක්

colombotoday

කොවිඩ් ආසාදිතයින් 172ක් හදුනා ගනී

colombotoday

නව ආසාදිතයින් 448ක්

colombotoday