දුම් පරීක්ෂා සහතික නිකුත් කිරීම සඳහා අය කරන ගාස්තුව රුපියල් පන්දහසක් දක්වා වැඩි කිරීමට කෙරුනු අයවැය යෝජනාවට විරෝධය පළ කිරීම ඇතුළු කරුණු කිහිපයක් මුල් කර ගනිමින් හෙට (23) සිට බස් වර්ජනයක් ක්‍රියාත්මක කිරීමට සූදානම් වනවා.
මෙම වර්ජනයට එක් වන්නේ මාර්ග අංක 143 පෞද්ගලික බස් රථ සේවක සංගමය වන අතර කඩුවෙල – පිටකොටුව, හංවැල්ල – පිටකොටුව, ලබුගම – පිටකොටුව සහ අවිස්සාවේල්ල – පිටකොටුව යන මාර්ගවල මෙම වර්ජනය ක්‍රියාත්මක වනු ඇති.
ඉකුත්දා ඉදිරිපත් කෙරුණු අයවැය යෝජනාවට අනුව පළාත් සභාවන්හි ආදායම් වැඩි කිරීම සඳහා මාර්ග නඩත්තු කිරීමේ වියදම සහ පාරිසරික වියදම සැලකිල්ලට ගනිමින් දුම් පරීක්ෂා සහතික නිකුත් කිරීම සඳහා අය කරනු ලබන ගාස්තුව රුපියල් පන්දහසකින් වැඩි කර තිබෙනවා. මෙහිදී මෝටර් රථයක් සඳහා ආදායම් බලපත්‍ර ගාස්තුවද සංශෝධනය කිරීමටයි යෝජනා කෙරුණේ.
(Neth Fm)