Colombo Today Local News

රුපියල් 7,090,939ක් සොරකම් කිරීම සම්බන්ධයෙන් සැකකරුවන් අත්අඩංගුවට

මූල්‍ය ආයතනයක් බිඳ මුදල් සොරකම් කිරීමේ සිද්ධියකට අවශ්‍ය කර සිටි සැකකරුවෙකු සහ සැකකාරියන් දෙදෙනෙකු පොලීසිය අත්අඩංගුවට ගෙන තිබේ.

පුත්තලම කොට්ඨාස අපරාධ විමර්ශන කාර්යාංශය විසින් සිදුකළ විමර්ශනයකදී මෙම පිරිස අත්අඩංගුවට ගෙන ඇති බව වාර්තා වේ.

ජනවාරි මස 31 වනදා හලාවත පොලිස් වසමේ මූල්‍ය ආයතනයක් බිඳ මුදලින් රුපියල් 7,090,939ක් සොරකම් කිරීම සම්බන්ධයෙන් ඔවුන්ට එරෙහිව චෝදනා එල්ලවී තිබුණි.

සිද්ධිය සම්බන්ධයෙන් විමර්ශන ආරම්භ කළ පොලීසිය ඊයේ (04) කොල්ලුපිටිය ප්‍රදේශයේදී එම සැකකරු අත්අඩංගුවට ගෙන ඇත.

ඔහු 28 හැවිරිදි වියේ පසුවන දෙනියාය ප්‍රදේශයේ පදිංචිකරුවෙක් බවයි පොලීසිය සදහන් කලේ.

සිද්ධියට ආධාර අනුබල දීමේ චෝදනාව යටතේ අත්අඩංගුවට ගෙන ඇති එක් සැකකාරියන් දෙදෙනා මාදිවෙල ප්‍රදේශයේදී අත්අඩංගුවට ගෙන ඇත.

එම සැකකාරියන් පස්ගොඩ සහ කඩුවෙල ප්‍රදේශවල පදිංචි වයස අවුරුදු 33 සහ 46 හැවිරිදි වියැති බවයි පොලීසිය පවසන්නේ.

හලාවත පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.

Related posts

ක්‍රීඩා ඇමති අතුරු පාලක කමිටුවක් පත්කිරීමට එරෙහි නඩුව හෙටට කල්යයි

Admin

පක්ෂයේ අවසරය නැතුව අධිකරණ ඇමති සාකච්ඡාවක් දෙන්න බෑ කියලා

Admin

ඒකාබද්ධයෙන් තවත් කිහිපදෙනෙක් මෛත්‍රී පිලට ! – ගම්මන්පිල හෙළිකරයි

colombotoday

හෙරොයින් සමග සාම විනිසුරුවරයෙක් අත්අඩංගුවේ

colombotoday

සා/පෙළ අයදුම්පත් භාරගැනීම ලබන 15 දා අවසන්

colombotoday

බුද්ධි අංශ පාවාදෙන තේරීම් කාරක සභාව නිසා ජනපති – අගමැති ගැටුම උග්‍ර වෙයි

colombotoday