තව්හිද් ජමාත් සංවිධානයේ සාමාජිකයින් සඳහා දින 14ක ආයුධ සන්නද්ධ පුහුණුවක් ලබා දුන් බවට සැලකෙන ආමි මුහදීන් නමැති හිටපු ආරක්ෂක අංශ සාමාජිකයකු මඩකලපුව කුඹුරු මූල ප්‍රදේශයේ පොල්වත්තක දී අත්අඩංගුවට ගෙන ඇති බව වාර්තා වෙනවා.
වාලච්චේන පොලිස් වසමේ ඔට්ටමවඩි – මීරා ඔඩෙයි ප්‍රදේශයේ පදිංචි කාරයෙක් වන මෙම තැනැත්තා විවිධ සංවිධානවල සාමාජිකයින් සඳහා ආයුධ පුහුණුව ලබා දීම පිළිබඳව වසර දෙකකට පෙර දී කාත්තන්කුඩි බුද්ධි අංශ නිලධාරින් විසින් වාර්තා කර ඇති බව විශ්වාස කටයුතු ආරංචි මාර්ග ඔස්සේ වාර්තා වේ.