මන්නාරම, මුලන්කාවිල් ප්‍රදේශයේදී රුපියල් මිලියන 26කට අධික වටිනාකමකින් යුත් කේරළ ගංජා තොගයක් නාවික හමුදාව භාරයට ගෙන තිබේ.
නාවික හමුදාව පැවසුවේ, මුලන්කාවිල්, සිප්පිආරු පාලම අසළදී සැක සහිත ට්‍රක් රථයක් පරීක්ෂා කර, උර 05ක අසුරා සූක්‍ෂම ලෙස ප්‍රවාහනය කරමින් තිබූ කිලෝග්‍රෑම් 89කට අධික බරකින් යුත් අදාල කේරළ ගංජා තොගය සිය භාරයට ගත් බවය.
එහිදී මෙම කේරළ ගංජා ජාවාරමට සම්බන්ධ ට්‍රක් රථයේ සිටි සැකකරුවන් තිදෙනෙක් නාවික හමුදාව විසින් අත්අඩංගුවට ගනු ලැබ තිබේ.
අවුරුදු 26ත් 44ත් අතර ව‍යසේ පසුවන අත්අඩංගුවට ගත් සැකකරුවන් වව්නියාව සහ නානට්ටාන් යන ප්‍රදේශයන්හී පදිංචිකරුවන්ය.
ඔවුන් කේරළ ගංජා ප්‍රවාහනය සඳහා යොදා ගත් ට්‍රක් රථය ද නාවික හමුදාව භාරයට ගෙන තිබේ.