ජනපති මෛත්‍රිපාල සිරිසේන මහතා විසින් සෞදි රජු වෙත යැවූ ලිපියක්ද රැගෙන ජනපති විශේෂ නියෝජිතයෙකු සෞදි රජ පවුලේ ඉහළම මට්ටමේ සාමාජිකයෙකු හමුවීමට මීට සති කිහිපයකට පෙර සෞදි බලා පිටත්ව ගොස් ඇත.
ඒ අනුව ශ්‍රී ලංකා ජනාධිපතිවරයාගේ ඉල්ලීම සලකා බැලූ සෞදි රජු ගල්ගසා මරා දැමීමේ දඩුවම සිරදඩුවමක් ලෙස ලිහිල් කිරීමට අවශය ක්‍රියාමාර්ග ගැනීමට එකගවී ඇති බව පැවසෙනවා.
මේ අතර විදේශ කටයුතු අමාත්‍යාංශයේ සහ විදේශ රැකියා ප්‍රවර්ධන අමාත්‍යාංශයේ වැඩකටයුතු පිලිබදව ජනාධිපතිවරයා කලකිරීමට පත්වී ඇති බවයි වාර්තා වන්නේ. විශේෂයෙන්ම මංගල සමරවීර විදේශ ඇමතිවරයා සහ එම අමාත්‍යාංශයේ නිලධාරීන් මේ සදහා ප්‍රමාණවත් අන්දමින් කිසිදු දායකත්වයක් නොදැක්වීමත් විදේශ රැකියා ප්‍රවර්ධන අමාත්‍යාංශයේ අලස ක්‍රියා පිළිවෙතත් ජනපතිවරයාගේ දැඩි දෝෂදර්ශනයට ලක්වුණු බව ජනාධිපති ලේකම් කාර්යාල ආරංචිමාර්ගවලින් colombotoday.com වෙත වාර්තා වෙනවා.