පුරවසන්කුලම විශේෂ කාර්ය බලකා නිලධාරීන් හා සෙට්ටිකුලම පොලීස් ස්ථානයට ලද තොරතුරක් මත සිදුකළ වැටලීමකින් පුපුරණ ද්‍රව්‍ය සමග පුද්ගලයෙක් අත්අඩංගුවට ගෙන තිබේ.
ඊයේ (10)දින සවස 3ට පමණ එම වැටලීම සිදුකර ඇති අතර සෙට්ටිකුලම පොලිස් වසමේ රංකෙත්ගම ප්‍රදේශයේ පවත්වාගෙන ගිය කළුගල් වැඩපලක බලපත්‍ර කල් ඉකුත්ව තිබිය දී එලෙස අත්අඩංගුවට ගත් බව පොලීසිය පවසයි.
එලෙස අත්අඩංගුවට පත් ද්‍රව්‍ය අතර, ගල් වෙඩි බෙහෙත් කිලෝ 3ක්, ආරක්ෂිත සේවා නූල් මීටර 291 යි සෙන්ටිමීටර 93ක්, වෝටර් ජෙල් 48ක්, සාමාන්‍ය ඩෙටනේටර් 11ක් හා ඇමෝනියම් නයිට්‍රේට් කිලෝ 149ක් ද වේ.
අත්අඩංගුවට ගත් සැකකරු වයස අවුරුදු 64ක් වු එම ප්‍රදේශයේ ම පදිංචිකරුවෙකි.
සැකකරු අද (11)දින වව්නියාව මහෙස්ත්‍රාත් අධිකරණය වෙත ඉදිරිපත් කිරීමට නියමිතය.