විදේශීය පොහොර භාවිතයට විකල්පයක් ලෙස ඉදිරි මාස දෙකක් පමණ කාලය තුළදී ජෛව පොස්පේට් (කාබනිකව ජීර්ණය කරන ලද පොහොර) මෙට්‍රික් ටොන් 50ක් පමණ වෙළෙඳපොළට නිකුත් කිරීමට සූදානමින් සිටින බව ලංකා පොස්පේට් සමාගමේ සභාපති ඉංජිනේරු අනිල් රණසිංහ පවසයි.
මේ වන විට එම නිෂ්පාදන සිදු කිරීමට අදාළ පර්‌යේෂණ පොහොර සමාගම තුළ සිදු කරමින් පවතින බවත් මෙහි සාම්පල කෘෂිකර්ම දෙපාර්තමේන්තුව වෙත පරීක්ෂණ සඳහා යොමු කර ඇති බවද ඔහු සඳහන් කළේය. එහි වාර්තාවද තවත් සති දෙකක පමණ කාලය තුළ ලැබීමට නියමිත බව ඔහු පැවැසීය. ප්‍රධාන වශයෙන් කාබනික පොහොර භාවිතකරමින් ගොවිතැන් කටයුතු සිදු කරන ගොවීන් ඉලක්ක කර ගනිමින් මෙම පොහොර වෙළෙඳපොළට නිකුත් කරන බව සභාපතිවරයා පැවැසීය.
එසේම එම පොහොර සම්බන්ධව ඉදිරියේදී මිල නියම කිරීමට කටයුතු කරන බවද සභාපතිවරයා වැඩිදුරටත් ප්‍රකාශ කළේය.