එක්නැලිගොඩ නම් වූ කොටියා පැහැරගත්තා යැයි පවසමින් හිටපු ජනාධිපති මහින්ද රාජපක්ෂ සහ හිටපු ආරක්ෂක ලේකම් ගෝඨාභය රාජපක්ෂ යන මහත්වරුන් අත්අඩංගුවට ගැනීමට සැරසෙන බව මව්බිම වෙනුවෙන් රණවිරුවෝ සංවිධානයේ කැඳවුම්කරු මේජර් අජිත් ප්‍රසන්න මහතා පවසයි.
ඒ මහතා මේ බව සඳහන් කර සිටියේ අද කොළඹ පැවති මාධ්‍ය හමුවකදීය.
මේ වන විට අදාළ කාරණය සම්බන්ධයෙන් බුද්ධි අංශ නිලධාරීන් පස් දෙනෙකු මේ වන විට රක්ෂිත බන්ධනාගාරගත කර ඇති බවද ඒ මහතා කියා සිටියේය. මේ වන විට ශ්‍රී ලංකාවේ බුද්ධි අංශය කොටි පොලීසියේ බුද්ධි අංශ බවට පත්වී ඇති බවද එහිදී ඔහු පෙන්වා දුන්නේය.
එසේම 2003 කුප්‍රකට මිලේනියම් සිටි පවාදීම වැනි පවාදීමක් මෙම සිද්ධියෙන් පිළිඹිබු වන බවත් , අපරාධ පරීක්ෂණ දෙපාර්තමේන්තුවේ ප්‍රධානි ශානී අබේසේකර විසින් ලකුණු දමා ගැනීම සඳහා එක්නැලිගොඩගේ සිද්ධියට බුද්ධි අංශ නිලධාරීන් පස් දෙනා අත්අඩංගුවටගත් බවත් ඒ මහතා එහිදී පෙන්වා දුන්නේය.