ශ්‍රී ලංකා නිදහස් පක්ෂයේ සභාපති මෛත්‍රීපාල සිරිසේන මහතා විසින් පක්ෂයේ මධ්‍යම කාරක සභාව අද (24)දින පස්වරුවේ කැඳවා තිබේ.
එම පක්ෂයේ ප්‍රධානියෙක් සඳහන් කළේ හෙට (25) දිනයේදී පක්ෂයේ විධායක සභාව කැඳවීමට සුදානමින් සිටින නිසා එහිදී ඉදිරිපත් කිරීමට නියමිත කරුණු සම්බන්ධයෙන් මෙහිදී සාකච්ඡා වීමට නියමිත බවයි.
හෙට (25)දින පස්වරු 5ට කොළඹ ප්‍රධාන හෝටලයක දී ශ්‍රී ලංකා නිදහස් පක්ෂයේ විධායක සභාව රැස්වීමට නියමිතයි.
පාස්කු ප්‍රහාරය සම්බන්ධයෙන් පත් කළ ජනාධිපති කොමිසමේ නිර්දේශ අතර මෛත්‍රීපාල සිරිසේන මහතාට එරෙහිව නඩු පැවරීමට ඇති හැකියාව සොයා බලන ලෙස ද සඳහන් කර තිබූ අතර මෙම සාකච්ඡාව පැවැත්වෙන්නේ එවන් වාතාවරණයක් තුළයි.