අටපිරිකර නිෂ්පාදනය හා අළෙවි කරනු ලබන ආයතන බෞද්ධ කටයුතු දෙපාර්තමේන්තුවේ ලියාපදිංචි කිරීම අනිවාර්යය බව අධිකරණ හා බුද්ධ ශාසන අමාත්‍යාංශය පවසයි.
ප්‍රමිතිය ආරක්ෂා කරගැනීම සදහා අටපිරිකර නිශ්පාදනය කරන හා අළෙවි කරන ආයතන මෙසේ ලියාපදිංකිරීමට සැලසුම් කර ඇති බවයි වාර්තා වන්නේ.
2015 ජුනි 11 වන දින නිකුත් කර ඇති විශේෂ ගැසට් පත්‍රයට අනුව අට පිරිකර, දෙපට සිවුර, තනිපට සිවුර, අඳන කඩය, පාත්‍රය හා බඳ පටය යන භාණ්ඩ නිෂ්පාදනය කරන සහ අළෙවි කරන වෙළෙන්ඳන් ලියාපදිංචි කළයුතු වෙයි.
අදාළ ලියපදිංචි කිරීමේ අයදුම්පත් ලබන ජනවාරි මාසයේ සිට බෞද්ධ කටයුතු දෙපාර්තමේන්තුවෙන් ලබාගත හැකි බව අධිකරණ හා බුද්ධශාසන අමාත්‍යංශය සදහන් කළේය.
ඉදිරිපත් වූ අයදුම්පත් ප්‍රමිති ආයතනය වෙත ඉදිරිපත් කර ප්‍රමිතියට අනුකූල වන්නේ නම් බෞද්ධ කටයුතු දෙපාර්තමේන්තුවේ ලියාපදිංචිය සිදුකරන අතර අදාළ ලියාපදංචිය වසර තුනක කාලයක් සඳහා නිකුත් කිරීමට නියමිතය. මෙම නියෝග පිළි නොපදින වෙළෙන්ඳන් හා නිෂ්පාදකයන් පිළිබඳව පාරිභෝගික සේවා අධිකාරිය මඟින් වැටලීම් සිදුකරන බව අධිකරණ හා බුද්ධශසන අමාත්‍යංශය සඳහන් කළේය.