මුන්දලම පුලිච්චාකුලම ප්‍රදේශයේ ව්‍යාපාරික ස්ථානයක් තුළ පුද්ගලයෙකු වසපානය කොට තියුණු පිහියකින් බෙල්ලකපාගෙන 30දා මරණයට පත්ව ඇතිබවට සැක කරන මෘත ශරීරයක් පිළිබඳව සෙවීමට පරීක්ෂණයක් ආරම්භ කර ඇතිබව උඩප්පුව පොලීසිය පවසයි.
මෙසේ මරණයට පත්ව ඇත්තේ මුන්දලම පුලිච්චාකුලම පදිංචි මොහොමඩ් කමල්දීන් මොහොමඩ් සමීන් නැමති 40 හැවිරිදි තිදරු පියෙක්.
අදාළ පුද්ගලයා තම ව්‍යාපාරික ස්ථානය වසා දොරගුලු දමාගෙන මෙම මරණය සිදුකරගෙන ඇත.
එම ව්‍යාපාරික ස්ථානය දහවල්වන තෙක් විවෘත නොවීම හේතුවෙන් අසල්වාසී ව්‍යාපාරිකයින් ඒපිළිබඳව සොයා බැලීමේදී මෙම මෘත ශරීරය සොයාගන ඇති අතර මෘතශරීරය අසල තිබූ තියුණු පිහියක්, වසකුප්පියක් උඩප්පුව පොලීසිය විසින් සොයාගන තිබෙනවා.
මෙසේ සිය දිවිනසාගැනීම පිළිබඳව හෝ මරණය අභිරහසක් වන අතර ඒ පිළිබඳව සෙවිමට විශේෂ පොලිස් කණ්ඩායමක් යොදවා ඇති බව පොලීසිය පවසයි.
මෘත ශරීරය පුත්තලම රෝහලේ පරීක්ෂණ සඳහා තැන්පත් කරඇති අතර ඒ සම්බන්ධයෙන් පී. සී. ආර් පරීක්ෂණයක් සිදුකළ යුතුබව සෞඛ්‍ය අංශ පවසයි.
ඉන් අනතුරුව මෘතශරීරය සම්බන්ධයෙන් පශ්චාත් පරණ පරීක්ෂණයක් සිදුකරන බව පොලීසිය සදහන් කරයි.