සෙවණගල සීනි කම්හල යළිත් පෞද්ගලිකකරණය කිරීමට ආණ්ඩුව සැලසුම් කරන බවට එහි සේවයින් චෝදනා කරයි.
2002 වසරේ එක්සත් ජාතික පෙරමුණු රජය පෞද්ගලික අංශයට විකුණා දැමූ සෙවණගල සීනි කම්හල යළිත් 2011 වසරේ ආණ්ඩුවට පවරා ගැනීමට කටයුතු කරන ලදි.
රජයට පවරාගැනීමෙන් පසු සේවකයන්ට සහ උක් ගොවීන්ට ද කම්හලේ ලාභයෙන් ප්‍රසාද දීමනා ලබා දී ඇති අතර වර්තමානය වන විට කම්හල පාඩු ලබන බව හගවා යළිත් වරක් එජාප රජය තම පුද්ගලික හිතවතුන්ට සීනි කම්හල විකුණාදැමීමට සූදානම් වන බව ශ්රී ලංකා නිදහස් සේවක සංගමයේ ලේකම් කෝකිල චමින්ද ලියනාරච්චි මහතා සදහන් කරයි.
සෙවණගල සීනි කම්හල පෞද්ගලිකකරණයට විරෝධය පලකරමින් එහි සේවකයන් අද දින උද්ඝෝෂණයක නිරත වන බවද වාර්තා වනවා.