Colombo Today Local News

PHIට බාධා කරමින් අසභ්‍ය වචනවලින් බැනවැදුනු තිදෙනෙකුට වුන දේ..

සෞඛ්‍ය වෛද්‍ය නිලධාරී කාර්යාලයේ මහජන සෞඛ්‍ය පරීක්ෂකවරුන්ගේ රාජකාරියට බාධා කරමින් අසභ්‍ය වචනවලින් බැනවැදුනු පුද්ගලයන් තිදෙනෙකු වැල්ලවාය පොලිසිය විසින් ඊයේ (11)දින අත්අඩංගුවට ගෙන තිබේ.

පසුගිය (10)වන දා වැල්ලවාය යාලබෝව ප්‍රදේශයෙන් කොරෝනා ආසාදිත පුද්ගලයන් සිව්දෙනෙකු වාර්තා වූ අතර එම පුද්ගලයන්ගේ ආශ්‍රිතයින් සොයා වැල්ලවාය මහජන සෞඛ්‍ය පරීක්ෂකවරුන් විසින් සොයාබැලීමක් සිදුකරමින් සිටින අතරතුර මෙම බාධාකිරීම සිදුවී ඇත.

වැල්ලවාය බස් නැවතුම්පොළේ දී වෙළෙඳසැළක එම ආශ්‍රිතයින් සිටීම නිසා එම ස්ථානයට මහජන සෞඛ්‍ය පරීක්ෂකවරුන් ගොස් ඇති අතර එහිදී එම ස්ථානයේ මෙම පුද්ගලයන් තිදෙනා මුහුණු ආවරණ ද නොමැතිව ගැවසී තිබේ.

පසුව ඔවුන්ට මුහුණු ආවරණ පළදින ලෙස මහජන සෞඛ්‍ය පරීක්ෂකවරුන් විසින් දැනුම් දී ඇති අතර එහිදී එම පුද්ගලයින් මහජන සෞඛ්‍ය පරීක්ෂකවරුන් වෙත අසභ්‍ය වචනයෙන් බැන වැදී තර්ජනය කර ඇති බව වාර්තා වේ.

මේ සිද්ධිය සම්බන්ධයෙන් මහජන සෞඛ්‍ය පරීක්ෂකවරුන් විසින් වැල්ලවාය පොලිසියට සිදුකළ පැමිණිල්ලක් අනුව සැකකරුවන් තිදෙනා අත්අඩංගුවට ගෙන ඇති අතර එම සැකකරුවන් අද (12) දින වැල්ලවාය මහෙස්ත්‍රාත් අධිකරණයට ඉදිරිපත් කිරීමට නියමිතයි.

Related posts

දුෂ්කර පාසැලක් වෙනුවෙන් මාධ්‍යවේදී ලංකා ජයවර්ධන පෙරමුණ ගනී (video)

Admin

ICBT කැම්පස් ප්‍රධාන විධායක නිළිධාරියාගෙන් ලේකම්වරියට ලිංගික අතවර

colombotoday

“ස්විස් තානාපති කාර්යාලයේ සේවිකාවක් පැහැරගත්තා”යැයි කියන සිදුවීම සිදුනොවූ දෙයක් බව ජනපති කියයි

colombotoday

ජනතාව ෆ්ලැට් වෙන්නම බදු ගසා රවී සුපිරි වාහනයක් ගෙනෙයි.. රජයට කෝටි 3ක බදු පාඩුවක් !

colombotoday

ආණ්ඩුව පාලනය කරන්නේ ගෑනුත් නොවන, පිරිමිත් නොවන පිරිසක්

colombotoday

“අපි බුද්ධාගම, ඒකීය රාජ්‍යය රකින්නයි හදන්නේ“ – හෙළ උරුමය

colombotoday