වව්නියාව මූලික රෝහලේ වෛද්‍යරවරුන් ඇතුළු කාර්යමණ්ඩලයේ 27 දෙනෙකු ස්වයං නිරෝධායනයට යොමුකර තිබේ.
රෝහලේ දැඩි සත්කාර ඒකකයේ රෝගීන්ට සිදුකළ PCR පරීක්ෂණවලදී එක් අයෙකු කොවිඩ් -19 වෛරස ආසාදිතයෙකු ලෙස හඳුනාගෙන ඇති බව රෝහල් අධ්‍යක්ෂ වෛද්‍ය ටී. කාන්දීපන් මහතා සඳහන් කළේය.
මේ හේතුවෙන් දැඩි සත්කාර ඒකකයේ සේවය කළ වෛද්‍යවරුන් ඇතුළු කාර්යමණ්ඩල සමාජිකයින් 27 දෙනෙකු ස්වයං නිරෝධායනයට යොමුකර තිබේ.
ඉන් 11 දෙනෙකු අනුරාධපුර ප්‍රදේශයේ සංචාරක හෝටලයක ස්වයං නිරෝධායනයට යොමුකර ඇති බව රෝහල් අධ්‍යක්ෂවරයා පැවසීය.