නිරෝධායන නීති උල්ලංඝනයකර විරෝධතා සංවිධානය කළහොත් ඉදිරියේදී නීතිමය පියවරගන්නා බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.
නියෝජ්‍ය පොලිස්පති අජිත් රෝහණ මහතා පෙන්වා දෙන්නේ එවැනි විරෝධතා හරහා කොවිඩ් පොකුරු නිර්මාණය වුවහොත් එම ප්‍රදේශයම හුදකලා කිරීමට සිදුවන බවය.
මාධ්‍ය වෙත අදහස් දක්වමින් පොලිස් මාධ්‍ය ප්‍රකාශකවරයා මේ බව පැවසීය.
“පසුගිය දින කිහිපයේදී දක්නය ලැබුණා විවිධ උද්ඝෝෂණ. මේ උද්ඝෝෂණවලදී නිරෝධායන නීති උල්ලංඝනය කරන ආකාරයක් දක්නට ලැබුණා. සියලුම ජන කොටස්වලින් ඉල්ලා සිටින්නේ එලෙස කටයුතු කරන්න එපා කියලා. එහෙම වුණොත් කොවිඩ් පොකුරු, අනු පොකුරු නිර්මාණය වෙයි. එවිට එම ප්‍රදේශ සම්පූර්ණයෙන්ම හුදකලා කිරීමට වෙයි,” යනුවෙන් පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය.