කොරෝනා රෝගීන් හයක් වාර්තා වීම සහ ආසාධිතයන් හා ආශ්‍රියන් නගරයේ සැරි සැරීම නිසාත් සෞඛ්‍ය අංශ වලට සහය දක්වමින් ජනතාවගේ සෞඛ්‍ය ආරක්ෂාව වෙනුවෙන් 09 ,10,11 යන තෙදින තුල නිකවැරටිය නගරයේ සියලුම ව්‍යාපාරික ස්ථාන වසා තැබීමට පියවර ගත් බව නිකවැරටිය වෙළඳ සංගමය පවසයි.
පෙර දින වාර්තාවූ අසාධිතයන් දෙදෙනාගේ ආශ්‍රිතයන් ලෙස මේවන විට නිකවැරටිය නගරයේ ව්‍යාපාරික ස්ථාන හතරක්ද නිරෝධායනයට ලක්කර වසා දමා ඇති බවත් ,තවදුරටත් සෞඛ්‍ය අංශවල පරීක්ෂණ කටයුතුවලට සහය දක්වමින් නිකවැරටිය නගරයට පැමිණෙන පිරිස් අඩු කිරීම සඳහා මෙම පියවර ගත් බවද වෙළඳ සංගමය පැවසීය.
මේ මස 12 බ්‍රහස්පතින්දා දින යළි නගරයේ ව්‍යාපාරික ස්ථාන විවෘත කරණ බවද නගරයට පැමිණෙන සියලුම ජනයා සෞඛ්‍ය උපදෙස් පිළිපදින පැද ,රටතුළ ව්‍යාප්ත වෙමින් පවතින කොරෝනා වෛරස් වසංගත තත්වය මර්ධනය කිරීමට සහය දක්වන ලෙසද වෙළඳ සංගමය ජනතාවට දැනුම් දී සිටී.