Colombo Today Local News

අද සහ හෙට පාර්ලිමේන්තුව වැසේ : ආරක්ෂාවට සිටි STF කණ්ඩායමත් ඉවත් කරයි

අද සහ හෙට දිනයේදී පාර්ලිමේන්තුව වසා තැබීමට පියවර ගෙන ඇති බව වේත්‍රධාරී නරේන්ද්‍ර ප්‍රනාන්දු සඳහන් කර සිටිනවා. ඒ පාර්ලිමේන්තු පරිශ්‍රය සම්පුර්ණයෙන්ම විෂබිජ හරණයට ලක් කිරීමට පියවර ගැනීම හේතුවෙන්.

පාර්ලිමේන්තු සංකීර්ණයේ සියලුම සේවක සේවිකාවන්ට අද සහ හෙට දිනයේදී රාජකාරි සඳහා වාර්තා කිරීමට අවශ්‍ය නොවන බවට දැනුම් දී ඇති බවත් අනිද්දා සිට යළි රාජකාරි කටයුතු ආරම්භ කරන බවයි වේත්‍රධාරී නරේන්ද්‍ර ප්‍රනාන්දු සඳහන් කර සිටියේ.

මේ අතර පාර්ලිමේන්තුවේ ආරක්ෂාවට යොදවා සිටි පොලිස් විශේෂ කාර්ය බලකායේ සාමාජිකයින් රැඳී සිටින ශ්‍රී ජයවර්ධනපුර කඳවුරේ මුළුතැන්ගෙයි සේවකයෙකුට කොවිඩ් වෛරසය ආසාදනය වී ඇති බැවින් එම කඳවුර හුදෙකලා කොට ඇති බව පැවසූ වේත්‍රධාරී නරේන්ද්‍ර ප්‍රනාන්දු මහතා මේ හේතුවෙන් පොලිස් විශේෂ කාර්ය බළකායේ මුලස්ථානයෙන් විශේෂ කණ්ඩායමක් පාර්ලිමේන්තුවේ ආරක්ෂාව සඳහා යොදවා ඇති බවද සඳහන් කළා.

මිට පෙර පාර්ලිමේන්තුවේ විශේෂ බුද්ධි ඒකකයට අනියුක්තව සේවය කරනු ලබන උප පොලිස් පරීක්ෂකවරයෙකුට කොවිඩ් වෛරසය ආසාදනය වී තිබුණ බවට වාර්තා වුවා.

Related posts

“හොඳින් ඉවර කරගන්න බැරි වුණා. මට කියන්න වෙන ලොකුදෙයක් නැහැ.” – පරාජය ගැන කුසල් කියයි

Admin

තිරිගු පිටිවලටත් අපමණ අගයක්.. කිලෝව 7.50 කින් ඉහළට

colombotoday

නිරුවත් ජායාරූප සහ වීඩියෝ දර්ශන අන්තර්ජාලයට මුදාහල 05ක් අත්අඩංගුවට

colombotoday

ගල් කොරියකින් අල්ලස් අරන් හසුවූ ගම්පහ මිලාන් ජයතිලක පොහොට්ටුවෙන් ඡන්දය ඉල්ලයි. ජනතාව නොසතුට පළකර සිටියි.

colombotoday

බහාලුම් ප්‍රවාහන රථ 4000 ක් ධාවනයෙන් ඉවතට.. ආහාර, ඖෂධ ප්‍රවාහන සේවා සම්පූර්නයෙන්ම ඇන හිටී.

colombotoday

නව එජාප මහලේකම් තලතා අතුකෝරළ?

Admin