අද රිෂාඩ් බදියුදීන් සොයන ආකාරයට මීට කලින් රවී කරුණානායක, රාජිත සේනාරත්න වැනි අය අත්අඩංගුවට ගැනීම සඳහා සොයමින් සිටි බව රාජ්‍ය අමාත්‍ය විදුර වික්‍රමනායක මහතා පවසයි.
මේවා නර නාටක බවත් රටේ ජනතාවට විහිළු කරන්නේදැයි ඔහු විමසීය.
ජනතාව මේවා විහිළු හැටියට ගණන් නොගන්නා බවත් ඊළඟ මැතිවරණයේදී දරුණු තීන්දුව දෙනු ඇති බවත් ඇමතිවරයා පැවසීය.
මේවා දිගින් දිගටම සිදු වුවහොත් ජනතාව එන මැතිවරණයේදී දැඩි තීන්දුවක් ගනු ඇතැයිද ගිය මැතිවරණයෙන් එක්සත් ජාතික පක්‍ෂයට වූ දේ එන මැතිවරණයේදී මේ ආණ්ඩුවට ද විය හැකි බවද ඔහු කියා සිටියේය.
බදියුදීන් හිටපු ඇමතිවරයා අත්අඩංගුවට ගැනීමට නොහැකි වීම ගැන මාධ්‍ය වෙත ඔහු මේ බව කියා සිටියේය.