කාති උසාවිය තමන්ට අසාධාරණයක් සිදුකළ බව පවසමින් මාලිගාකන්ද ප්‍රදේශයේ පදිංචි කාන්තාවක් ජනාධිපති ලේකම් කාර්යාලයට පැමිණිල්ලක් ඉදිරිපත් කර තිබේ.
ආබාධිත දරුවෙකු බිහි කළා යැයි පවසමින් තම ස්වාමි පුරුෂයා තමාට එරෙහිව දික්කසාද නඩුවක් කාති උසාවියේ ගොනුකළ අවස්ථාවේ දී එයින් තමාට අසාධාරණයක් සිදුවූ බව පවසමින් ඇය පැමිණිල්ලක් ඉදිරිපත් කර ඇත.
ඇය සිය ආබාධිත දරුවාද සමඟ පැමිණ එම පැමිණිල්ල අද (27) ජනාධිපති ලේකම් කාර්යාලයට ඉදිරිපත් කළාය.
“අද මම ආවේ ජනාධිපතිට ලියුමක් දීලා යළිත් එකම රටක් එකම නීතියක් යටතේ, සමත්ථ මුස්ලිම් කාන්තාවන් වෙනුවෙන් කරන ඉල්ලීමක්, අපිට කාති උසාවිය නම් එපා“ යනුවෙන් පැමිණිල්ල ඉදිරපත් කළ නෝනා නජීමා පැවසීය.