අමාත්‍ය පාඨලී චම්පික රණවක මහතා පැදවූ බව කියන ජීප් රියේ ගැටී තරුණයෙකු අනතුරට ලක්වීම සම්බන්ධයෙන් වූ සිද්ධියට අදාලව එම ස්ථානයේ සවිකර තිබූ සී.සී .ටී.වී කැමරාවලින් දර්ශන ලබා ගෙන පරීක්ෂණ සිදු කළ ද එම සිද්ධිය වූ දිනයේ දර්ශන සී.සී.ටී.වී කැමරාවලින් මැකිගොස් තිබූ බව පොලීසිය අධිකරණය හමුවේ කියා සිටියේය.
පොලීසිය මේ බව හෙලි කළේ අදාළ නඩුව කොළඹ රථවාහන මහෙස්ත්‍රාත් අධිකරණයේදී විභාගයට ගැණුනු අවස්ථාවේදීය.
එමෙන්ම අධිකරණයෙන් ලබා ගත් නියෝග අනුව පාඨලී චම්පික රණවක අමාත්‍යවරයාගේ දුරකතන අංක 03ක් පිළිබඳව ද පරීක්ෂා කර වාර්තා ලබා ගත් බව පොලීසිය අධිකරණයට දැනුම් දී ඇත.
කෙසේ වෙතත් අගතියට පත් පාර්ශවයේ නීතිඥවරුන් අධිකරණයට කියා සිටියේ අමාත්‍ය පාඨලී චම්පික රණවක මහතා විසින් පොලීසියට ලබාදුන් දුරකතන අංක එම අවස්ථාවේ ඔහු විසින් භාවිත නොකළ ඒවා බවයි.