අපේ ජන බල පක්ෂයේ ජාතික ලැයිස්තු මන්ත්‍රිධුරය සඳහා අත්තනෝමතික ලෙස තමාගේ නම යෝජනා කරමින් මැතිවරණ කොමිෂන් සභාව වෙත වේදිනිගම විමලතිස්ස හිමි විසින් බාරදී තිබූ ලිපිය දිවුරුම් ප්‍රකාශයක් මගින් පසුගිය 18 වනදා ඉල්ලා අස් කරගෙන ඇති බව වාර්තා වෙනවා.
එම ලිපිය ඉල්ලා අස්කරගෙන මන්ත්‍රී ධූරය සඳහා පුජ්‍ය අතුරලියේ රතන හිමිගේ නම යෝජනා කර ඇති බවයි වැඩිදුරටත් වාර්තා වන්නේ.
කෙසේ වෙතත් අපේ ජන බල පක්ෂයේ ලේකම් ධුරයෙන් වේදිනිගම විමලතිස්ස හිමි පසුගිය 7 වනදා උදෑසන 8 සිට බලපැවැත්වෙන පරිදි ඉවත්කර තිබීම හේතුවෙන් කිසිදු පත්කිරීමක් හෝ එම පක්ෂය වෙනුවෙන් පෙනී සිටීමක් නිත්‍යානුකුල නොවන බවයි වාර්තා වන්නේ.
ඒ අනුව පක්ෂයේ වර්තමාන ලේකම් නිශාන්ත රත්නායක මහතා විසින් පක්ෂයේ අනුමැතියෙන් නම් කෙරු පක්ෂ සභාපති සමන් පෙරේරා මහතාට අපේ ජන බල පක්ෂයේ ජාතික ලැයිස්තු මන්ත්‍රීධුරය හිමිවීමට ඉඩකඩ ඇති අතර පත්වූ වහාම ඉල්ලා අස්වී තමාගේ අසුන පුජ්‍ය ගලගොඩඅත්තේ ඥානසාර හිමිට ලබා දෙන බවයි ඒ මහතා පසුගියදා මාධ්‍ය අමතමින් සඳහන් කර සිටියේ.