අපේ ජනබල පක්ෂයට හිමි ජාතික ලැයිස්තු මන්ත්‍රි ධුරය ගලගොඩඅත්තේ ඥානසාර හිමියන්ට ලබාදෙන ලෙස ඉල්ලා අපේ ජනබල පක්ෂයෙන් ගාල්ල දිස්ත්‍රික්කයට තරග කරන ලද මධුශාන් රන්දික අතුකෝරල මහතා ගාල්ල සරෙන්තුකඩේ හන්දියේ දී අද (13) සත්‍යග්‍රහයක් ආරම්භ කළේය.
ඒ මහතා කියා සිටියේ නාම යෝජනා අත්සන් කරනවිට පක්ෂයේ තිබු සමගිය ආරක්ෂා කරගෙන ඉදිරියට යා යුතු අතර ඒ සඳහා අතුරලියේ රතන හිමියන් ඥානසාර හිමියන් සහ සමන් පෙරේරා මහතා එක්විය යුතු බවයි.
අගෝස්තු 20 වැනිදා ඥානසාර හිමියන් පාර්ලිමේන්තුවට යන තුරු තමා සත්‍යග්‍රහය කරගෙන යන බවත් අතුකෝරල මහතා පැවසිය.