සංවිධානාත්මක අපරාධ කල්ලි සාමාජිකයෙකුවන “අතුරුගිරියේ ලඩියා” නමැත්තාගේ සමීපතමයින් දෙදෙනෙකු හෝකන්දර ප්‍රදේශයේ දී අත්අඩංගුවට ගෙන තිබේ.
පොලිස් විශේෂ කාර්ය බලකායේ සංවිධාතාත්මක අපරාධ මර්දන ඒකකයේ නිලධාරීන් විසින් සිදුකළ වැටලීමක දී ඔවුන් අත්අඩංගුවට ගෙන ඇති බව වාර්තා වේ.
එම සැකකරුවන් ලඩියා නමැත්තාගේ සහයකයින් දෙදෙනෙකු වන “චානු” සහ “බානු” යන අයගේ සමීපතමයින් දෙදෙනෙකු බව පොලිස් විශේෂ කාර්ය බලකාය සඳහන් කරයි.
අත්අඩංගුවට ගන්නා අවස්ථාවේ දී ඔවුන් සතුව තිබී කේරළ ගංජා ග්‍රෑම් 20.5 ක් නිලධාරීන් සොයාගෙන තිබේ.