සංවිධානාත්මක අපරාධකරුවෙකු වන අංගොඩ ලොක්කාගේ සමීපතමයන් දෙදෙනෙකු හෙරොයින් ග්‍රෑම් 5ක් ද සමගින් බස්නාහිර පළාත් දකුණ අපරාධ කොට්ඨාසය මගින් අත්අඩංගුවට ගෙන තිබේ.
මුල්ලේරියාව නව නගරය හා උඩුමුල්ල යන ප්‍රදේශවලදී මෙලෙස අත්අඩංගුවට ගනු ලැබුවේ නදීශන සේපාල දහනායක හෙවත් ”රං කෑල්ල” සහ ගයාන් දර්ශන හෙවත් ”ගයියා” යන දෙදෙනායි.
ඉන් එක් සැකකරුවෙකු 2019 වසරේදී හංවැල්ල ප්‍රදේශයේ පස් ව්‍යාපාරිකයෙකු ඝාතනය කිරීමේ සිද්ධියේ ප්‍රධාන සැකකරුවෙකු වන අතර අනෙක් පුද්ගලයා 2018 වසරේ පෙතියාගොඩ ප්‍රදේශයේ අවිආයුද තොගයක් සමගින් අත්අඩංගුවට ගෙන ඇප මත මුදාහැර සිටි අයෙක්.