රට පුරා කොරෝනා ව්‍යාප්තවීම පාලනය සදහා ඇදිරිනීතිය පැනවීම සිදුවුණා. එම ඇදිරිනීතිය කඩකරන පුද්ගලයින් නීතියේ රැහැණට හසුකර ගැනීම සිදුවන්නේ ද පවත්නා අවදානම් තත්ත්වයෙන් රට ගලවා ගැනීම සදහායි.
ඒ අනුව ඇදිරිනීතිය කඩකරන පුද්ගලයින් අත්අඩංගුවට ගැනීම අඛණ්ඩව සිදුවනවා.
කොළඹ, ගම්පහ, කළුතර, පුත්තලම යන දිස්ත්‍රික්වල දැනට ක්‍රියාත්මක ඇඳිරිනිතිය ලබන සඳුදා (27) උදෑසන 5 දක්වා ක්‍රියාත්මක වනවා. කොළඹ, ගම්පහ, කලුතර හා පුත්තලම යන දිස්ත්‍රික් හැරුණු විට සෙසු දිස්ත්‍රික්වල ද ඇඳිරිනීතිය අද (24) රාත්‍රී 8 සිට ලබන සදුදා (27) අලුයම 5 තෙක් ක්‍රියාත්මකයි. ඒ අනුව සැළකීමේ දී අද රාත්‍රී 8 සිට ලබන 27 වන සදුදා අලුයම 5 දක්වා දිවයින පුරා ඇදිරිනීතිය ක්‍රියාත්මක වනවා.
ඇඳිරිනීතිය ක්‍රියාත්මක කාලය තුළ අත්‍යවශ්‍ය සේවා පවත්වාගෙන යාම සහ කෘෂිකාර්මික කටයුතු ආදිය සම්බන්ධයෙන් මීට පෙර ප්‍රකාශයට පත්කර ඇති කොන්දේසි හා උපදෙස් ඒ අයුරින්ම පවතින බවයි ජනාධිපති මාධ්‍ය අංශය නිකුත් කළ නිවේදනයේ වැඩිදුරටත් සඳහන් වන්නේ.