ළමා අපයෝජනයක් සම්බන්ධව සෙවනගල පොලීසිය විසින් අත්අඩංගුවට ගත් තණමල්විල ප්‍රාදේශීය සභාවේ පොදුජන පෙරමුණු මන්ත්‍රී නාලක රණවීරගේ පක්ෂ සාමාජිකත්වය අහෝසි කිරීමට අද (10) දින පොදුජන පෙරමුණු පක්ෂ කාර්යාලය පියවර ගෙන තිබේ.
පොදුජන පෙරමුණ පක්ෂයේ ජාතික සංවිධායක බැසිල් රාජපක්ෂගේ උපදෙස් පරිදි පක්ෂයේ ලේකම්වරයා අද (10) දින මෙම ලිපිය බාරදී තිබේ.
ආබාධිත දරුවෙකු අපයෝජනයට ලක් කල බවට චෝදනා මත සෙවනගල පොලීසියේ ස්ථානාධිපති පොලිස් පරීක්ෂක සුභාෂණ වන්නිආරච්චි විසින් ප්‍රාදේශීය සභා මන්ත්‍රීවරයා ඇතුළු පස්දෙනෙකු පෙරේදා අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාර ගත කොට තිබේ.