ලොව පුරා සීඝ්‍රයෙන් පැතිර යන කොරෝනා වෛරසය හේතුවෙන් චීනය වෙසෙන ශී ලාංකිකයන් දිවයිනට ගෙන්වා ගැනීම සදහා විශේෂ වැඩපිළිවෙලක් රජය ක්‍රියාත්මක කර ඇත.
ජනාධිපති ගෝඨාභය රාජපක්ෂ මහතාගේ උපදෙස් පරිදි මෙම වැඩපිළීවෙල ක්‍රියාත්මක වන අතර චීනයේ සිටින සියළුම ශ්‍රී ලාං කිකයන් මෙරටට ගෙන්වා ගැනීම සදහා මෙහෙයුම සිදු කෙරෙන බවද පැවසේ.
කොරෝනා වෛරසය ආරම්භ වූයේ යැයි පැවසෙන් වූහාන් නගරයේ ශ්‍රී ලාංකීය ශිෂ්‍ය ශීෂ්‍යාවන් 30 දෙනෙක පමණ වෙසෙන බවට තොරතුරු අනාවරණය වී තිබේ.
එම පිරිස ගෙන්වා ගැනීම සදහා චීන බලධාරීන් සමග සාකච්ඡා සිදු වෙමින් පවතින අතර, විදේශ කටයුතු ආරන්චි මාර්ග සදහන් කළේ ඒ සදහා ශ්‍රී ලංකන් ගුවන් සේවයේ විශේෂ ගුවන් යානයක් වූහාන් ගුවන්තොටුපලට ගොඩබැස්වීමට අයදුම්පත යොමුකර ඇති බවයි.
අවසරය ලැබුණු සැනින් මෙම පිරිස දිවයිනට ගෙන්වා ගැනීමට සියලු කටයුතු සූදානම් බවද එම ආරංචි මාර්ග වැඩිදුරටත් සදහන් කරයි.